Mulleres Rurais Resilientes fronte á variabilidade climática no corredor seco de Madriz

Este proxecto enmárcase nun plan de actuación e estratéxico amplo e a longo prazo (12 anos), a Estratexia País de Axuda en Acción Nicaragua, no cal se establece como prioritaria a presenza en Corredor Seco de Madriz. O devandito plan implementa accións de cooperación ao desenvolvemento nos ámbitos de Seguridade Alimentaria e Dereitos das mulleres con emprendementos resilientes adaptados ao Cambio Climático.

Este proxecto non só se aliña coas accións desa Estratexia senón que da continuidade, sustentabilidade e fortalece os procesos aquí iniciados a través de: 1)Traballo coas mesmas beneficiarias para completar os seus procesos, tanto de empoderamento, liderado e recoñecemento como suxeitas de dereitos (farase énfases en dereitos económicos das mulleres) como de capacitación e habilitación técnico-produtiva  apícola iniciados (grupos de mulleres organizadas); 2) Traballo con homes en novas masculinidades, con homes pertencentes á contorna familiar destas mulleres (e das cooperativas de mulleres) asentando os procesos e apoiando a creación de redes de novas  masculinidades para as réplicas; 3)mesma zona de implementación e mesmo socio local reforzando así a presenza e a relación cos e as beneficiarias; 4) Mesmo equipo técnico local apropiado dos procesos e con relacións preestablecidas, tanto coas beneficiarias como cos demais actores implicados;5)Divulgación das Axendas económicas elaboradas na Xunta de Galicia 2018. Ademais, a presente proposta non só supoñería a escalabilidade das accións emprendidas en Xunta de Galicia 2018 senón que iría un paso máis aló a través do fortalecemento das capacidades empresariais (Escolas de negocio e contabilidade) para a inclusión no mercado dos produtos das mulleres con valor diferencia (derivados de produtos  apícolas).

O proxecto contribúe, por tanto, ao exercicio da cidadanía económica e política das mulleres rurais en grupos organizados e cooperativas, reducindo a súa vulnerabilidade persoal e social ante os efectos do cambio climático en 3 municipios do Corredor seco de Madriz: San Lucas (La Manzana, Río Arriba, El Porcal), Telpaneca (Los Ranchos, Las trojas, Los Lirios-Quibuto, Los Lirios) y Totogalpa (Mamel, La Ceiba, El Frayele, Santo Domingo y Mango Solo). Para iso desenvólvense accións  de crecemento persoal, coñecemento dos seus dereitos (con especial énfase nos económicos) adopción de prácticas e cambios nas relacións de xénero e novas  masculinidades así como a divulgación das Axendas económicas, elaboradas no proxecto da Xunta de Galicia 2018, en diferentes medios. De igual maneira, realizarase habilitación produtiva para o desenvolvemento de valor agregado ás actividades económica en apicultura e lácteos (para grupos organizados de mulleres e cooperativas). Esta transferencia de tecnoloxías é para implementar actividades produtivas sustentables (e amigable co medio ambiente) e  resiliente ao cambio climático que faciliten a autonomía económica das mulleres. Ademais, realízase un gran traballo coas cooperativas para a consolidación da súa xestión empresarial.