Outra Historia! - Oh!

O proxecto Outra Historia! - Oh! é unha iniciativa cuxa misión é a xeración dunha rede capacitada cun aparato organizado e materiais necesarios para propoñer novas interpretacións da sociedade intercultural. A clave do programa é capacitar a esas persoas como axentes de cambio, como activistas da rede, na xeración dunha narrativa alternativa común (traballando con ONGs, centros formativos, universidades e persoas do ámbito social).  Deste xeito, dende a entidade propón: elaborar ferramentas e actividades de traballo sobre os diferentes enfoques da realidade e as narrativas alternativas; capacitar a persoas do eido social, educativo como Axentes de Transformación Social sobre o uso e creacións de Narrativas Alternativas, e realizar accións de difusión.

As accións deseñadas no presente proxecto están orientadas a formar a diferentes actores sociais, principalmente a activistas, axentes de cambio, mozos/as e persoas inmigrantes en estratexias de transformación narrativa da sociedade destinadas a combater o discurso do odio e as narrativas discriminatorias na internet, mellorando a convivencia cidadá e a cohesión social e preservando a diversidade e a multiculturalidade. Do mesmo xeito pretende formar unha Rede de persoas implicadas na defensa dos DDHH.

Este proxecto, lévase a cabo a nivel da Comunidade Autónoma de Galicia, traballando en colaboración con axentes clave para o seu correcto desenvolvemento (voluntariado, persoas usuarias) e con persoas pertencentes a outras asociacións ou entidade, que farán de axentes multiplicadores dos procesos. Tamén se realizarán actividades en centros educativos das provincias da Coruña e Pontevedra, principalmente.