Persoas que se moven: as violencias de xénero que afectan ás mulleres, nenas, nenos, poboación LGTBI e indíxenas no proceso migratorio mesoamericano

Convenio asinado no marco do Pacto de Estado contra a Violencia de Xénero para o financiamento de actuacións no marco das medidas 36 e 37 do dito Pacto, que afectan ao ámbito da cooperación internacional:

• Medida 36: promover que no marco da cooperación internacional se destinen recursos para medidas específicas contra a violencia machista dentro dos protocolos de actuación en campos de refuxiados e refuxiadas.
• Medida 37: instar a que nos recursos dedicados por España á cooperación internacional para refuxiados e refuxiadas se apliquen medidas específicas para a prevención da violencia machista contra as mulleres e menores de idade, tanto en tránsito como en destino.

Esta iniciativa busca que coas evidencias obtidas fortalézase o posicionamento da Cooperación Galega en canto á violencia de xénero nos contextos migratorios. A actuación baséase nas realidades que afectan as mulleres, nenas, nenos, colectivo LGTBI, así como poboación indíxena no proceso migratorio: orixe, tránsito, destino e retorno forzado, na rexión mesoamericana.

Se parte da base de que a realidade da violencia de xénero nos contextos migratorios fai falta visibilizala e posicionala. En xeral falta o enfoque de xénero na abordaxe na migración, xa que non se aborda  diferencialmente as necesidades das mulleres e demais grupos en situación de vulnerabilidade. As Nacións Unidas abordan o desafío dos movementos de persoas dividíndoos en dúas principais categorías xurídicas: persoas migrantes por unha banda, e solicitantes de asilo/refuxiados, por outro. Nesta proposta faise referencia á migración, desprazamento forzado dunha maneira global, incluíndo os solicitantes de asilo/refuxiados.

Médicos do Mundo (MdM) ten presenza na Rexión Mesoamericana desde hai máis de 25 anos, e actualmente ten presenza no Salvador, Guatemala, Honduras, e en Chiapas no sur de México, sendo os países onde se desenvolverá a iniciativa. O traballo de MdM na Rexión Mesoamericana baséase na súa Estratexia 2017–2020 que comprende dous eixos estratéxicos a) Dereitos Sexuais e Reprodutivos, Prevención da Violencia contra as Mulleres e b) Persoas, Migración e Desprazamento Forzado. Por tanto a presente proposta fai a ligazón entre os dous eixos estratéxicos

Exponse que, a través de oito temas (dous en cada un dos catro países) visibilícese a violencia de xénero ligada ao fenómeno migratorio desde procesos de investigación. A difusión da información realizásese a través de distintos medios ou soportes técnicos: gráfico, visual e multimedia; e a través de diversos xéneros: o artigo, a crónica, a reportaxe en profundidade, o documental, a curtametraxe ou a fotografía.