Prevención da violencia de xénero e mellora da protección infantil da poboación refuxiada de Palestina na zona sur de Cisxordania

Esta proposta inscríbese na estratexia de xénero de UNRWA e as súas accións de e protección da infancia, destinada a mellorar a situación da poboación refuxiada de Palestina, cun enfoque especial na poboación infantil e as mulleres, quen é vítimas das limitacións impostas por un contexto caracterizado pola violencia. De feito, tanto as mulleres como a poboación infantil en Cisxordania requiren apoio para facer fronte á vulnerabilidade resultante da violencia doméstica e as difíciles condicións da súa vida diaria debido ás incursións do exército de Israel. UNRWA identificou a vulnerabilidade da poboación beneficiaria, susceptible de experimentar sentimentos de illamento, exclusión social e intimidación debido ás ameazas á súa protección. As mulleres, as nenas e os nenos que viven nos campos de persoas refuxiadas que xestiona UNRWA en Cisxordania necesitan un respaldo psicosocial especial, a través dun sistema en varios niveis que ofreza un apoio complementario que aborde diversas necesidades.

Ante a situación descrita, vólvese máis importante que nunca seguir apoiando os sistemas de prevención da violencia de xénero, así como levar a cabo acciones de atención psicosocial para reducir o estrés emocional e os trastornos que afectan os colectivos máis vulnerables en Cisxordania. O persoal terapéutico contratado nos centros de saúde proporcionará asistencia ás mulleres vítimas de violencia de xénero e menores que sofren a situación de ocupación e conflito a nivel psicosocial mediante a realización de terapias e sesións individuais que abarquen todo o espectro de casos de violencia que enfrontan as persoas refuxiadas de Palestina en Cisxordania.