Previr e mitigar o impacto de riscos humanitarios e as crises asociadas con violacións de DIH/DIDH sobre os dereitos e a dignidade de 2.258 persoas (1.075 mulleres/nenas, 1.183 homes/nenos) da comunidade de Rafat, Zona C, Salfit, Cisxordania, Palestina
O proxecto é produto dun estudo diagnóstico que se realizou entre decembro de 2017 e marzo de 2018 por un consultor externo palestino, e co apoio do persoal de ACPP expatriado e en sede, un agrónomo de PARC, un enxeñeiro do PHG e técnicas e traballadoras sociais de PARC e PSCCW. Levouse a cabo en 5 comunidades na gobernación de Salfit, seleccionadas en base a unha identificación previa realizada por ACPP, PARC o PHG e PSCCW, en función da alta vulnerabilidade das comunidades a violacións de DIH/ DIHI e a riscos relacionados coa rotección, como resultado da súa proximidade con principais asentamentos e industrias israelís e o Muro. Exponse unha intervención na que se enfronte a sistemática violación dos DDHH da poboación palestina, xerando capacidades locais (preventivas como os plans de protección de DDHH ou a formación á comunidade educativa para detección de problemas psicolóxicos , reactivas como o soporte vital básico ou a asistencia psicolóxica a colectivos vulnerables, por último de coordinación e denuncia con outras organizacións tanto palestinas como israelís que garantan un acompañamento básico en situacións críticas como as que vive a poboación de Rafat). A intervención realizarase con dúas contrapartes locais, con alto nivel de especialización, no caso de PARC enfocándose á elaboración participativa do Plan de Protección e conformación do Comité responsable do seu desenvolvemento, no de PSCCW ocupándose da asistencia psicosocial e da integración da perspectiva de xénero e infancia en toda a intervención.
Agricultural Development Association (PARC); Psycho-social Counselling Center for Women (PSCCW)
Obxectivo xeral: Contribuír á protección dos dereitos e a dignidade da poboación palestina baixo ocupación conforme ao DIH e o DIDH, con especial énfase na loita contra a violencia de xénero, a protección da infancia e o RRD.
Obxectivo específico: Previr e mitigar o impacto de riscos humanitarios e as crises asociadas con violacións de DIH/ DIDH sobre os dereitos e a dignidade de 2.258 persoas (1.075 mulleres/nenas, 1.183 homes/nenos) da comunidade de Salfit, Zona C, Cisxordania, Palestina.
RE 1 Mellorado o posicionamento de 25 persoas (13 mulleres, 12 homes) para facer fronte a riscos que afectan o cumprimento dos dereitos de 2.258 persoas vulnerables a violacións de DIH/ DIDH e desastres, Rafat, Salfit, mes 6.
A.1.1. Realización de talleres participativos para a incorporación dun enfoque de RRD, xénero, discapacidade e protección da infancia, no Plan de Protección e RRD comunitario a elaborar en Rafat.
A.1.2. Celebración dun taller central en Rafat para identificar colectivamente os riscos e prioridades que deben incluírse nos Plans de Protección e RRD comunitarios, e identificación dos integrantes dos CPC.
A.1.3. Elaboración, impresión e distribución do Plan de Protección e RRD comunitario en Rafat.
A.1.4. Creación de 1 Comité de Protección Comunitario ( CPC) en Rafat.
A.1.5. Realización de 3 formacións para o novo CPC en Rafat sobre: Protección, o papel do defensor de DDHH e a aplicación do DIH e DIDH; Habilidades para documentar e reportar violacións de DIH e DIDH; Lobbying, incidencia e comunicación.
A.1.6. Realización de formacións para o CPC de Rafat sobre os dereitos das persoas con diversidade funcional e/ou outras vulnerabilidades especiais, e o soporte vital básico.
A.1.7. Realización de formacións para o CPC sobre a Redución de Riscos ante Desastres, e a extinción de incendios e seguridade, en Rafat.
A.1.8. Distribución dos kits de soporte vital básico e protección ao CPC, en Rafat.
A.1.9. Realización de 2 visitas de intercambio con outros CPC en localidades da contorna, en Rafat.
A.1.10. Documentación e difusión polo CPC dos casos de violacións de DIH/ DIDH producidos en Rafat sobre a base dun deseño/actualización de formato de informe.
RE 2 Fomentada a protección de 575 nenas e 632 nenos ante violacións sistemáticas dos seus dereitos, Rafat, mes 6.
A.2.1. Realización de 1 taller participativo para a incorporación dun enfoque de protección da infancia, e que inclúa actividades relacionadas, nos Plans de Protección e RRD comunitarios en Rafat,
A.2.2. Celebración de 1 taller central en Rafat para identificar colectivamente os riscos e prioridades que deben incluírse nos Plans de Protección e RRD comunitarios, con enfoque de protección da infancia.
A.2.3. Realización de formacións para o CPC sobre a protección infantil e os dereitos dos nenos e nenas, en Rafat.
A.2.4. Documentación e difusión polo CPC dos casos de violacións de DIH/ DIDH contra menores producidos en Rafat, sobre a base dun deseño/actualización de formato de informe con enfoque de protección de infancia.
A.2.5. Realización de sesións de terapia en grupo para alumnos/ as que presenten síntomas de tensión psicosocial, en Rafat,
A.2.6. Realización de sesións co profesorado para desenvolver os seus coñecementos e habilidades no trato con alumnos/ as que presenten síntomas de tensión psicosocial, en Rafat.
A.2.7. Realización de reunións con nais e pais de nenos/ s que presenten síntomas tensión psicosocial, en Rafat.
RE 3 Fomentada a protección de 1.051 adultos, con especial énfase sobre 500 mulleres, ante violacións sistemáticas dos seus dereitos, Rafat, Salfit, mes 6.
A.3.1. Realización de 1 taller participativo para a incorporación da perspectiva de mulleres, e que inclúa actividades relacionadas, nos Plans de Protección e RRD comunitarios en Rafat.
A.3.2. Celebración de 1 taller central en Rafat para identificar colectivamente os riscos e prioridades que deben incluírse nos Plans de Protección e RRD comunitarios, desde a perspectiva de mulleres.
A.3.3. Realización de formación para o CPC sobre o papel da muller na resolución de conflitos e a construción da paz segundo a Resolución 1325 da ONU, CEDAW, e a violencia sexual e de xénero en Rafat.
A.3.4. Documentación e difusión polo CPC dos casos de violacións de DIH/ DIDH contra mulleres producidos en Rafat, sobre a base dun deseño/actualización de formato de informe con enfoque de xénero.
A.3.5. Realización de sesións de terapia en grupo para mulleres vítimas de violencia de xénero e/ou que presentan síntomas tensión psicosocial, en Rafat.
A.3.6. Realización de sesións de terapia en grupo para homes ex detidos polas forzas militares e/ou que presentan síntomas de tensión psicosocial, en Rafat.
RE 4 Mellorado o acceso á xustiza da poboación palestina vulnerable a violacións de dereitos na zona de Rafat, Salfit, e fomentada a rendición de contas por parte dos titulares de obrigacións de acordo co DIH/ DIDH; mes 6.
A.4.1. Rexistro de testemuños de vítimas afectadas por delitos contra a propiedade, delitos violentos, confiscación de terras ou danos ambientais labores por colonos/militares israelís.
A.4.2. Rexistro dos casos desagregados por xénero, por tipo de incidente e localización xeográfica, e o seu uso para informar nas actividades de incidencia de Yesh Din.
A.4.3. Acompañamento das vítimas para presentar denuncias ante a policía israelí e coordinar o acceso ás comisarías de policía e poñer queixas á IDF.
A.4.4. Realización de 1 taller para mulleres sobre o acceso das mulleres á xustiza durante o período do proxecto.
Directa: 2.258 (769 mulleres, 852 homes, 331 nenos e 306 nenas) da comunidade de Salfit, Zona C, Cisxordania, Palestina.
Indirecta: 16.397 (5.486 mulleres, 5.704 homes, 2.685 nenos e 2.522 nenas).
Axuda Xunta de Galicia: 60.376 € (2018)