Programa de apoio ó novo modelo de xestión da formación técnico-produtiva agropecuaria da rexión de Piura. Perú

O obxecto do presente proxecto é o de fortalecer o modelo de xestión da formación técnico rexional da rexión de Piura, dando continuidade o Programa de fomento e formación para o emprendemento sustentable con mozos no medio rural agrario da conca do Chira (Piura - Perú) comezado no ano 2016 e que segue en execución por parte da Fundación Galicia Innova e a Asociación Chira; e que pretende, de maneira xeral mellorar o tecido organizativo e a incidencia nas políticas públicas de formación tecnolóxica agraria da rexión, así como adaptar a currícula técnica agropecuaria ó enfoque de desenvolvemento territorial. A través da execución do presente proxecto, preténdese empoderar os/as actores locais e rexionais desenvolvendo as súas capacidades mediante o apoio técnico especializado e adaptar as currículas técnicas agropecuarias nacionais existentes ás rexións no ámbito das súas competencias recentemente adquiridas.

De maneira máis específica, as accións a desenvolver no marco do proxecto están enfocadas ao fortalecemento da mesa de formación técnica rexional de concertación público privada, á conformación dunha rede de centros de formación tecnolóxica agropecuaria e ao fortalecemento da oficina da Dirección Rexional de Educación. O proxecto brindará apoio técnico especializado e recursos que permitirán os/as actores locais e institucionais o desenvolvemento das súas capacidades e o empoderamento para a constitución de alianzas público privadas e a toma de decisións en relación á formación técnica agraria rexional.

Asemade, e no marco das actuacións a desenvolver pola propia mesa e a rede de centros, procederase a revisión, actualización e aprobación das currículas técnicas agropecuarias das carreiras existentes na actualidade: produción agropecuaria, produción forestal e administración de negocios agropecuarios ao enfoque de desenvolvemento territorial para a serra e a costa, o ser esta actividade fundamental no marco das competencias asignadas as rexións, no proceso de descentralización educativa existente no país.