Programa de educación para o desenvolvemento Voces do Sur. 3ª edición: as redes como medio de transformación social

Con este proxecto pechamos o Proxecto de Educación e Sensibilización para o Desenvolvemento Voces do Sur no que sería a súa 3º edición. Este ano queremos facer unha especial incidencia no traballo de formación e sensibilización sobre as desigualdades entre os países, as causas estruturais da pobreza e alternativas que se están construíndo, dentro do ámbito específico de traballo de AMARANTE Setem.

Si nas dúas edicións anteriores centramos o traballo na creación de materiais de sensibilización e divulgación como documentais audiovisuais e exposicións sobre comercio xusto ou da muller en Marrocos, neste ano ademáis de difundir e ofertar todos estes materias creados e outros doutros proxectos, centraremos o noso traballo en potenciar procesos máis reflexivos e especializados, mellorando e ofertando formación e obradoiros temáticos e asentando procesos participativos, así como o impulso e a necesidade do traballo en rede. Todo isto a través da combinación de materiais didácticos e das novas tecnoloxías non solo audiovisual senón das web 2.0. Cun obxectivo claro aumentar o número de persoas sensibilizadas de cara a construción dunha sociedade máis xusta e equitativa.