Promoción da economía rural e alternativas de vida dignas e amigables co Medio Ambiente, desde un enfoque de Xénero en Desenvolvemento en 2 comunidades do Municipio de Sibinal - Quetzaltenango. Guatemala
O proxecto pretende contribuír co fortalecemento de emprendementos económico-produtivos postos en marcha en 2 comunidades rurais de poboación indíxena maya mam e mestiza pobre. Os e as titulares de dereitos son 175 produtoras e produtores que se atopan producindo de maneira individual e colectiva. O proxecto busca promover e potenciar a economía rural a través destas dúas organizacións, que teñen un importante peso nas súas comunidades pero que na actualidade atópanse con fortes debilidades técnicas e produtivas, para xerar alternativas de vida dignas, mellorar a economía local, e contribuír así ao desenvolvemento da zona desde un enfoque de xénero e promovendo prácticas amigables co medio ambiente a través dun enfoque agroecolóxico. É por esa razón que a partir desta iniciativa búscase apoiar a produtoras e produtores rurais para que aumenten de maneira sustentable a produción e produtividade dos seus cultivos de flores, alverja chinesa, produción de troita e produción de papa. Tamén se pretende ir sensibilizando ao goberno local no desenvolvemento de accións que fomenten a economía rural. Este proxecto promoverá unha visión integral da cadea de valor para a mellora da xeración de ingresos e o emprego digno a través da diferenciación, diversificación, comercialización e posicionamento dos seus produtos en mercados municipais e departamentais.
Centro Experimental para el Desarrollo de la Pequeña y Mediana Empresa Rural. Sociedad Civil. CEDEPEM S.C
Xeneral: Contribuír a reducir a pobreza e a migración forzosa en zonas fronteirizas, e garantir o desenvolvemento económico sostido e o acceso a un traballo decente, a través do crecemento económico rural, en liña co ODS 8 e o ODS2, no Municipio de Sibinal.
Específico: Fortalecer a economía rural e promover alternativas de vida dignas e amigables co Medio Ambiente, en 2 comunidades do Municipio de Sibinal, mediante o fomento e fortalecemento de emprendementos económicos produtivos de 175 mulleres e homes, desde un enfoque de Xénero en Desenvolvemento.
RE 1.1 Mellorados os emprendementos económicos de flores, alverja chinesa, papa e troita, desde un enfoque agroecolóxico, de 175 mulleres e homes das comunidades de Tohamán e Vega del Volcán.
- A.1.1.1 Desenvolver 4 talleres sobre construción de invernadoiros.
- A 1.1.2 Construír 7 invernadoiros para a produción de flores.
- A 1.1.3 Desenvolver 4 capacitacións sobre produción e diversificación de flores baixo invernadoiro.
- A 1.1.4 Implementar a produción de flores baixo invernadoiro.
- A 1.1.5 Realizar 12 capacitacións sobre produción hortícola (6 en Tohamán e 6 na Vega del Volcán).
- A 1.1.6 Implementar a produción hortícola (alverja chinesa e papa).
- A 1.1.7 Desenvolver 9 capacitacións sobre produción agroecológica (3 produtoras de papa, 3 produtoras de flores, 3 produtoras de alverja chinesa).
- A 1.1.8 Mellorar 20 estanques rústicos para a produción de troita.
- A 1.1.9 Desenvolver 6 talleres sobre produción de alimento para troita.
- A 1.1.10 Monitorear e dar seguimento á produción agropecuaria.
RE 1.2 Fortalecidas as capacidades de administración e xestión das 175 mulleres e homes produtores dos emprendementos produtivos de flores, alverja chinesa, papa e troita.
- A 1.2.1 Implementar curso de 8 sesións sobre manexo e administración de emprendementos produtivos.
- A 1.2.2 Desenvolver 12 talleres (3 en cada comunidade) sobre elaboración de regulamento de funcións para os emprendementos produtivos.
- A 1.2.3 Realizar un intercambio de experiencias con iniciativas exitosas.
- A 1.2.4 Desenvolver 8 capacitacións sobre ferramentas para o rexistro da comercialización (ingresos, egresos e ganancia e reinversión).
- A 1.2.5 Desenvolver capacitacións dirixidas ao persoal técnico de CEDEPEM, ás e os titulares de dereitos, e ás autoridades locais sobre a metodoloxía CANVAS con enfoque social, perspectiva de xénero e enfoque ambiental, no marco do Campus de Emprendemento Social que se desenvolve na Deputación de Lugo.
RE 1.3 Mellorada a comercialización e exportación de flores, alverja chinesa, papa e troita, a través da implementación de novas estratexias de promoción e márketing.
- A 1.3.1 Elaborar estratexias de márketing para os emprendementos produtivos.
- A 1.3.2 Realizar 2 expoferias de emprendementos locais.
- A 1.3.3 Realizar sondaxes rápidas de mercado.
RE 1.4 Fortalecido o traballo en rede e a incidencia política a nivel municipal, para a implementación de políticas de desenvolvemento económico local sensibles ao xénero e á problemática ambiental.
- A 1.4.1 Desenvolver 5 reunións coas xuntas directivas dos emprendementos produtivos para a conformación da rede de emprendementos produtivos.
- A 1.4.2 Desenvolver 4 reunións coa UPEM e a Comisión de medio ambiente para a operativización da Política do municipio de Sibinal.
- A 1.4.3 Desenvolver 3 reunións de coordinación coa DMM e a Comisión de Xestión Ambiental.
Persoas destinatarias directas: 175 (100 mulleres e 75 homes).
Axuda Xunta de Galicia: 145.627,00 € (2020: 58.250,80 €; 2021: 87.376,20 €)