Promoción do exercicio efectivo do dereito á saúde sexual e reprodutiva e o saneamento ambiental no territorio de Laguna de Perlas, municipio de Bluefields, mediante o fortalecemento das capacidades comunitarias e institucionais e a articulación de estratexias inclusivas e equitativas. RACCS. Nicaragua

O proxecto pretende mellorar a accesibilidade e integralidade dos servizos de SSR, Saúde Materna (SM), promoción de DSR e saneamento ambiental en 16 comunidades de Laguna de Perlas. A intervención fomenta as capacidades asistenciais, organizativas e técnicas da rede institucional e comunitaria para a promoción da SSR e fortalece a articulación de estratexias inclusivas. O proxecto é parte dunha estratexia máis ampla no marco do Modelo de Atención en Saúde Intercultural (MASI). Apoia á súa vez a aplicación de mecanismos de vixilancia multisectorial de atención primaria e SSR, así como fomenta a elaboración e desenvolvemento de plans de acción comunitaria de saúde con énfase na promoción dos DSR. A estratexia de intervención desenvólvese ao redor de tres compoñentes:

-Mellora da cobertura, calidade, pertinencia e equidade dos servizos de SSR das redes institucional e comunitaria en 16 comunidades especialmente vulnerables de Laguna de Perlas. Prevé inicialmente a realización da Liña de Base dos principais indicadores de saúde na área de intervención. A continuación a realización de capacitacións e asistencias técnicas a ACS (especialmente parteiras e brigadistas) e institucional (persoal MINSA) para o exercicio de dereitos e mellora da prevención e atención en SSR. Apoiaranse dúas brigadas médicas constituídas e promovidas polo MINSA ademais da rehabilitación e o equipamento de dous Postos de Saúde do MINSA. Realizarase unha campaña de información e concienciación que contribúa á creación de cidadanía crítica, activa e consciente do seu dereito á saúde, a equidade e o medio ambiente, mediante a difusión de mensaxes apropiadas por medios socialmente  prestixiados (radios comunitarias).

-Mellora de capacidades organizativas, de planificación e xestión complementaria das redes institucional e comunitaria para a promoción da SSR en Laguna de Perlas. Acompañarase ás Comisións Municipais de Saúde para a constitución de Consellos Técnicos multisectoriais de coordinación, seguimento e avaliación de accións de mellora da SSR. Revisaranse e actualizarán os protocolos de atención primaria e SSR. Planificarase de maneira participativa os sistemas comunitarios de promoción da saúde e atención sanitaria con énfase na identificación de factores de risco para a SSR. Realizarase un seguimento dos sistemas de referencia e contrarrereferencia entre establecementos do MINSA e a Rede comunitaria e realizarase unha extensión e consolidación do Sistema de Información Comunitaria (SICO).

- Mellora do acceso á auga potable e condicións de hixiene e saneamento ambiental en 16 comunidades especialmente vulnerables de Laguna de Perlas. Construiranse 7 pozos comunitarios con bombas de  mecate tipo Kits, distribuiranse 520 filtros de auga cerámicos particulares. Desenvolveranse accións educativas para a promoción da hixiene e o saneamento ambiental, para o control e garantía de calidade da auga e mantemento e conservación dos equipos que se entregan.