Protección e asistencia en resposta á violencia sexual e de xénero con especial atención á trata con motivos de explotación sexual, a mulleres e nenas refuxiadas sudanesas e das comunidades de acollida en Jamjang, norte de Sudán do Sur

O obxectivo deste proxecto é contribuir á protección da poboación refuxiada sudanesa e sursudanesa das comunidades de acollida mediante unha resposta integral de protección contra a violencia de xénero e a falta de acceso a recursos desde un enfoque de construción da paz e coidado ambiental nos campos de persoas refuxiadas de Jamjang, fronteira norte de Sudán do Sur con Sudán.

Para isto, apoiarase aos servizos de protección dos campos de Pamir e Ajuong Thok, en Jamjang, a través do fortalecemento dos mecanismos de xestión de casos e apoio psicosocial a 500 superviventes de violencia sexual e de xénero, especialmente mulleres e nenas refuxiadas sudanesas e sursudanesas das comunidades de acollida. De maneira complementaria, para mellorar a prevención e resposta ante a violencia de xénero, intégrase un cribado de xénero no Centro Sanitario Hope e a realización dunha auditoría de seguridade na identificación da violencia de xénero e a trata nas localizacións do proxecto. Frente á negación de recursos, o proxecto proporcionará kits de dignidade a 500 mulleres e nenas. Ademais, apoiarase a 160 rapazas adolescentes a través de formacións en habilidades para a vida para fomentar a súa resiliencia e reforzará as mulleres dos servizos de protección integral en habilidades técnicas para promover o seu empoderamento económico a través do acceso a actividades xeradoras de ingresos. Finalmente, para contribuír á xeración de espazos seguros e comunidades sensibilizadas, levaranse a cabo sesións de concienciación dirixidas a 20.000 persoas sobre mobilización social contra a VSG e trata por motivos de explotación sexual en pro do coidado medioambiental e a construción de contextos pacíficos.

Este convenio enmárcase dentro do Pacto de Estado contra a violencia de xénero.