Proxecto de difusión do dereito ao habitat dende un enfoque transdisciplinar e de xénero a través da formacion e sensibilización de axentes multiplicadores clave e alumnado de secundaria na cidade da Coruña

O “Proxecto de difusión do dereito ao hábitat, dende un enfoque transdisciplinar e de xénero a través da formación e sensibilización de axentes multiplicadores clave e alumnado de secundaria na cidade da Coruña” xorde coma proceso natural da acción de ASF-Galicia no cal se agroman aprendizaxes, dando por unha banda continuidade á labor de vindicación do hábitat dende o enfoque de dereitos. Traballo que, sostido no tempo por máis 20 anos, conforma un dos eixos estruturais da nosa labor. De xeito mais directo é concebido como a continuación, a modo de FASE II, do proxecto que ASF e a UDC están a desenvolver no período 2017-18 coa financiación da DXREUE. “Proxecto de difusión do dereito ao hábitat, con especial incidencia en modelos de gobernanza participativos, a través da sensibilización e a educación non formal de axentes multiplicadores clave e alumnado de secundaria na cidade da Coruña”, incidindo no logro en esencia dos mesmos obxectivos e resultados, traballando cos mesmos perfís de poboación destinataria, e incorporando pequenas modificacións froito das necesidades dos actores involucrados, dunha mellor adaptación ao contexto, así como das capacidades e aprendizaxes adquiridas ata o momento e das debilidades identificadas, a falta dos resultados da avaliación externa (en proceso de iniciarse) mediante os mecanismos de coordinación, seguimento e avaliación interna previstos. 

Así, o proxecto ten como obxectivo principal sensibilizar e formar sobre o dereito ao hábitat atendendo as súas dimensións diversas (física, social, política, simbólica e cultural), cun abordaxe transdisciplinar (desde a perspectiva da arquitectura-urbanismo, sociolóxica, educación en valores, memoria histórica…) e desde un enfoque de dereitos. Neste proxecto faremos especial incidencia de xeito transversal nas dimensións de xénero e nas formas de gobernanza que promoven unha cidadanía crítica, axente de cambio, responsable e solidaria.