Proxecto de fortalecemento das capacidades de incidencia política e xeración de alternativas produtivas sustentables en mulleres Mayas Mam vinculadas ao sector agropecuario de pequena escala no municipio de Santa Bárbara Huehuetenango. Guatemala

O proxecto adopta o enfoque baseado en dereitos, recoñecendo a importancia da independencia económica como unha achega para a erradicación da violencia contra a muller en contextos de desigualdade rural. As brechas para o desenvolvemento pleno das mulleres no ámbito económico fortalecen as desigualdades de xénero, condutor de todos os tipos de violencia contra a muller e, por tanto, esta proposta concíbese como unha achega para a redución destas brechas nos contextos de desigualdade rural. O propósito do proxecto é promover a igualdade de xénero desde o empoderamiento das mulleres. Aposta pola inclusión social, política e a independencia económica das mulleres maya mam. Pretende incrementar nelas a capacidade de configurar as súas vidas desde o fortalecemento da identidade indíxena Mam, a autoestima, a autonomía persoal e económica, desde a posta en marcha de proxectos económico-produtivos con enfoque agropecuario como prioridade para o empoderamiento das mulleres e así lograr a igualdade de xénero desde a autonomía económica. Xorde da necesidade de facilitar ás mulleres maya mam de Santa Bárbara alternativas que lles permitan ser parte activa do desenvolvemento social e económico local das súas comunidades, fortalecendo capacidades persoais, familiares e comunitarias que coadyuven a reducir a brecha de participación, incidencia e toma de decisións entre homes e mulleres, tanto a nivel familiar como comunitario.