REACTIV-ARTE: Reformulando o activismo. A arte como xerador de cambios

MPLICADAS defende o concepto do "artivismo" que implica que as persoas que están no mundo da cultura non só usan a súa capacidade de visibilización senón que se converten en partícipes dos procesos de transformación social, neste caso da man dos valores de IMPLICADAS nos que destaca sempre: o traballo en colaboración coas mulleres do Sur de igual a igual e dende o afán de coñecemento e solidariedade mutua, a incidencia na visibilización das mulleres como creadoras e como activistas nos seus propios contextos e en conexión, o valor das culturas propias fronte a homoxeneización das políticas neoliberais creadoras de pobreza e a vinculación do traballo artístico e cultural con cuestións máis amplas de dereitos humanos, a transformación do imaxinario colonial e a nosa visión das outras.
O proxecto pretende crear e afianzar en Galicia unha rede de artistas que actúen como altofalantes da visión e da misión de IMPLICADAS que sexan xeradoras/es de espazos de reflexión e que mobilicen a cidadanía na loita contra a pobreza e as desigualdades partindo dun coñecemento profundo da realidade, creando unha masa crítica acerca da cooperación ao desenvolvemento entendida como participativa, crítica e feminista.