Redución da incidencia do cólera en Haití

A estratexia de UNICEF, do mesmo xeito que o Plan Nacional de Eliminación do Cólera, diríxese aos dez departamentos do país. Con todo, para este ano 2018 e coa contribución da Xunta de Galicia, o plan está orientado a fortalecer a supervivencia, a prevención, o tratamento e as capacidades de resposta rápida nos tres departamentos chave que inflúen na dinámica nacional do cólera (Departamentos Oeste, Centro e Artibonito).

O Plan de Resposta Humanitaria de 2018 baséase na fase intermedia do Plan de Eliminación do Cólera que abarca o período de metade de 2016 ata finais de 2018.

A estratexia deste proxecto para reducir o contaxio de cólera nas comunidades implementa unha estratexia de resposta de alerta, asegura o acceso a auga e saneamento e logra a promoción sanitaria mellorando os coñecementos e hábitos de hixiene da poboación. UNICEF quere contribuír con este proxecto á redución da incidencia do cólera en Haití, ata lograr o 0,1% antes de finais de 2021, de acordo cos obxectivos do Plan Nacional de Eliminación do Cólera.

Para iso, UNICEF Haití propón continuar traballando nas zonas de maior risco con actividades de sensibilización sobre hixiene. No 2017, coa intervención realizada no Departamento Oeste, dirixida a involucrar ás autoridades locais, organizacións comunitarias e a poboación na prevención do cólera, logrouse un control permanente da enfermidade no departamento, o máis poboado de Haití.