Reducir o risco e mellorar a resiliencia fronte á violencia machista das mulleres, nenas e nenos pertencentes á poboación refuxiada, desprazada ou retornada en asentamentos da rexión de Diffa, Níxer

Convenio asinado no marco do Pacto de Estado contra a Violencia de Xénero para o financiamento de actuacións no marco das medidas 36 e 37 do dito Pacto, que afectan ao ámbito da cooperación internacional:

• Medida 36: promover que no marco da cooperación internacional se destinen recursos para medidas específicas contra a violencia machista dentro dos protocolos de actuación en campos de refuxiados e refuxiadas.
• Medida 37: instar a que nos recursos dedicados por España á cooperación internacional para refuxiados e refuxiadas se apliquen medidas específicas para a prevención da violencia machista contra as mulleres e menores de idade, tanto en tránsito como en destino.

O presente proxecto enmárcase dentro da problemática relativa á protección da infancia e a violencia de xénero, buscando reducir o risco e mellorar a  resiliencia fronte á violencia machista das mulleres, nenas e nenos pertencentes á poboación refuxiada, desprazada ou retornada en asentamentos da rexión de  Diffa, Níxer. Neste proxecto inclúense actuacións dirixidas a tres niveles: incidir e capacitar a titulares de obrigacións e titulares de responsabilidades, e empoderar a titulares de dereitos.

Este programa xustifícase ao nivel de aliñamento coas políticas locais e Internacionais presentes na emerxencia de Diffa como son o Plan rexional de protección, o pan de acción sectorial en VBG e os documentos da  OCHA.

O conxunto das actividades terá como obxectivo específico facilitar o acceso ao dereito a axuda humanitaria e a dignidade de 14.400 persoas, unhas 7.344 mulleres e 7.056 homes, directamente refuxiadas, desprazadas ou de acollida con elevada vulnerabilidade na rexión de Diffa. A vontade de  DIKO e de  ACPP é de continuar traballando en participado e de apoiar as competencias locais a todos os niveis integrándose no Plan rexional de resposta humanitaria. En efecto, esta intervención ten un carácter humanitario xustificado pola urxencia nas necesidades identificadas polo conxunto de actores humanitarios locais e internacionais presentes en Diffa.