Reforzo das capacidades técnicas de formación en acuicultura técnica a pequena escala en Mozambique

En Mozambique, o sector da pesca contribúe, segundo datos do 2005, á xeración do 2% do PIB. Trátase dun sector que proporciona emprego directo a máis de 130.000 persoas; actualmente, o sub-sector da acuicultura en Mozambique está representado por unha industria de produción de camarón mariño que produce unha media de 1000 toneladas anuais. A adopción da Acuicultura como actividade produtiva por parte das comunidades rurais é fundamental para mellorar as condicións de vida destas e asegurar a súa seguridade alimentaria. A través desta intervención contribuíuse á obtención dunha mellora das capacidades dos/ás formadores/ás do programa de formación de acuicultura técnica a pequena escala. As actividades orientáronse cara á mellora da competencia técnica dos/ás profesionais que se dedican a impartir formación neste sector a través da mellora dos programas de formación.