Refuxios fronte ao conflito: Construción Segura e Capacitación Comunitaria en Meluco, Mozambique

O proxecto desenvolverase no distrito de Meluco, Cabo Delgado, e ten como obxectivo abordar as necesidades urxentes das comunidades afectadas polo prolongado conflito armado na rexión, que deixou a máis de 700,000 persoas desprazadas internamente e máis de 630.000  que retornaron ás súas comunidades de orixe despois do conflito (perdendo os seus anteriores recursos, vivendas e medios de vida), aumentando a taxa de pobreza drasticamente

Esta intervención busca mellorar as condicións de vida e promover a resiliencia das familias desprazadas mentres traballan cara a unha recuperación sostible e duradeira. O proxecto conta con dúas intervencións principais, a primeira centrada en aliviar o sufrimento e salvar vidas, a cal se centrará na distribución de 300 kits de refuxios de emerxencia e 300 kits de bens non alimentarios de primeira necesidade para as familias desprazadas polo conflito. E a segunda está destinada a mellorar a resiliencia destas comunidades e os seus niveis de protección a través da construción de 70 refuxios e o desenvolvemento de formacións en construción resiliente, co obxectivo de mellorar a súa capacidade para construír e manter refuxios seguros.