Remodelación da casa sanitaria Galicia afectada polas inundacións

A Casa sanitaria de Galicia foi comezada a construír no ano 2013 rematando a súa obra no ano 2014 na Wilaya de Bojador na Daira. Esta casa foi construída coa intención de que o persoal médico que viaxase nas Comisión Sanitarias para ofrecer os seus servizos no terreo tivese un lugar onde descansar comodamente sen ter que desprazarse a instalación afastadas.

Esta casa sanitaria foi construída grazas á financiación da oficina de Cooperación da Xunta de Galicia que colaborou co proxecto executado pola entidade Solidariedade Galega co Pobo Saharauí. Neste momento a casa sanitaria atópase nunhas condicións bastante deplorables debido o paso dos anos e por enriba de todo polas inundacións que se sufriron nos campamentos de refuxiados o pasado mes de setembro que empeorou as condicións desta. Por este motivo procederase a rehabilitación de dita casa sanitaria.