Resposta ao impacto da emerxencia COVID-19 e as súas medidas de contención na provincia de San Cristóbal, República Dominicana
O proxecto pretende responder á situación de emerxencia creada polo impacto do COVID-19 no país e das medidas de contención da pandemia implantadas polo goberno. Para isto a intervención terá como obxectivo específico proporcionar unha resposta humanitaria a 270 mulleres e as súas familias afectadas pola pandemia COVID-19 e excluídas da resposta do Estado, mediante o fortalecemento das capacidades das organizacións involucradas, a provisión de información oportuna sobre prevención de propagación do virus, así como a subministración de alimentos e insumos de hixiene, en 3 municipios da provincia de San Cristóbal, República Dominicana.
A acción por tanto desenvolverase a través de dúas liñas de intervención/resultados:
1. Fortalecemento das capacidades do socio local CONAMUCA e Defensa civil de San Cristóbal en principios, normas e respostas humanitarias en contexto de epidemia con enfoque WASH, protección e xénero.
2. Brindar asistencia alimentaria e promoción de hixiene para 270 mulleres e as súas familias que foron afectadas pola pandemia do COVID-19 e as medidas de contención estatais, e que foron excluídas da asistencia do Estado.
A intervención terá unha duración total de 6 meses e será implementada por Oxfam e o seu socio local CONAMUCA.
CONAMUCA
Xeral: Contribuír á resposta humanitaria con enfoque WASH e de Seguridade Alimentaria fronte á emerxencia causada pola pandemia COVID-19 e as relativas medidas de contención na República Dominicana.
Específico: Proporcionar unha resposta humanitaria a 270 mulleres e as súas familias afectadas pola pandemia COVID-19 excluídas da resposta do Estado, mediante o fortalecemento das capacidades das organizacións involucradas, e a provisión de alimentos e insumos de hixiene na provincia de San Cristóbal.
RE 1.1: Fortalecidas as capacidades do socio local CONAMUCA e Defensa civil de San Cristóbal en principios, normas e respostas humanitarias en contexto de epidemia con enfoque WASH, protección e xénero.
A 1.1.1.: Capacitación en principios, normas e respostas humanitarias en contexto COVID-19 con enfoque WASH e protección e xénero para o persoal de CONAMUCA e Defensa Civil de San Cristóbal.
A 1.1.2.: Compra de material de auto protección para persoal de CONAMUCA e Defensa civil.
A 1.1.3.: Vixilancia, seguimento e rendición de contas.
RE 1.2: Asistencia alimentaria e promoción de hixiene para 270 mulleres e as súas familias que foron afectadas pola pandemia do COVID-19 e as medidas de contención estatais, e que foron excluídas da asistencia do Estado.
A 1.2.1: Selección de familias beneficiarias con uso de tecnoloxías e segundo criterios de selección e validación dos kits de alimentos e insumos de hixiene persoal e do fogar.
A 1.2.2: Compra, preparación e entrega de kits de alimentos e insumos de hixiene persoal e do fogar para de 270 mulleres e as súas familias en situación de maior vulnerabilidade.
A 1.2.3: Promoción de hixiene para 270 mulleres e as súas familias en situación de maior vulnerabilidade.
A 1.2.4: Vixilancia Post Distribución (PDM).
Directa: A poboación beneficiaria directa é un total de 929 persoas (585 mulleres e 344 homes), entre titulares de responsabilidade, de obrigacións e de dereitos.
Indirecta: A poboación beneficiaria indirecta é un total de 4.724 persoas (2362 mulleres e 2362 homes).
Axuda Xunta de Galicia: 50.000,00 €