Saúde e DSR: protección e promoción do dereito á saúde e os DSR de VVS, mulleres e menores en situación de desprazamento consecuencia do agravamento do conflito en RDC.
A lóxica da intervención proposta fundaméntase nas seguintes liñas estratéxicas: garantir a atención sanitaria de urxencia á poboación desprazada vítima do agravamento da violencia, con énfase na atención a Vítimas de Violencia Sexual (VVS) e menores de 5 anos –a través do fortalecemento de capacidades, asegurando o reabastecemento de recursos das estruturas de saúde para a atención de urxencia e garantindo o respecto dos DDHH, a pertinencia cultural e de xénero na praxe sanitaria-; fortalecer as capacidades comunitarias para a promoción dos Dereitos Sexuais e Reprodutivos das mulleres e as nenas, garantindo a recuperación e reinserción comunitaria das vítimas de violencia sexual –como estratexia preferente de prevención e protección, garantindo a dispoñibilidade de recursos de proximidade con novas capacidades instaladas que garantan o asesoramento e derivación das vítimas aos servizos de atención, recuperación e protección dispoñibles, reforzando a difusión de mensaxes relacionadas coa promoción dos Dereitos Sexuais e Reprodutivos e mediación comunitaria para facilitar a reinserción- e articular unha estratexia local en rede de testemuño, denuncia e advocacy, como instrumento preferente de protección, restitución de dereitos e promoción da cultura de paz –como elemento fundamental de incidencia política e instrumento de presión cara ás autoridades locais co obxectivo de desenvolver accións concertadas coa sociedade civil e a poboación en xeral para a adopción de accións inmediatas que garantan a protección, reparación e restitución dos dereitos humanos das persoas suxeitos de abusos consecuencia da situación de crise humanitaria e emerxencia complexa que caracteriza a zona de intervención. Convense que as intervencións realizadas ao redor destes tres eixos permitirán alcanzar o obxectivo específico do proxecto, que é o de contribuír a rehabilitar as condicións de saúde da poboación afectada polo aumento da actividade armada no territorio de Beni, provincia Nord Kivu, con énfase na protección e promoción dos Dereitos Sexuais e Reprodutivos das vítimas de violencia sexual, mulleres e menores de 5 anos. Tentar articular unha resposta integral para facer fronte ás necesidades sanitarias máis urxentes da poboación vítima desta situación de crise humanitaria debe sustentarse pois nunha estratexia que conxugue a atención sanitaria e a asistencia para contribuír a garantir o dereito á saúde das persoas afectadas polo agravamento da actividade armada na Zona de Saúde de Beni, facendo especial fincapé na promoción e protección dos Dereitos Sexuais e Reprodutivos de mulleres e nenas
"Programme de Promotion de Soins de Santé Primaire"
Obxectivo xeral: Contribuír a garantir a protección e o exercicio do Dereito á Saúde das persoas desprazadas internas (PDI) en Beni consecuencia do agravamento da actividade armada na provincia de Kivu Norte (RDC).
Obxectivo específico: Contribuír a rehabilitar as condicións de saúde da poboación afectada polo aumento da actividade armada no territorio de Beni, Provincia Nord Kivu, con énfase na protección e promoción dos Dereitos Sexuais e Reprodutivos das vítimas de violencia sexual, mulleres e menores de 5 anos.
RE1. 6 estruturas de saúde da cidade de Beni garanten a prestación dun servizo de atención sanitaria adaptada ao xénero e a idade á poboación afectada Polo agravamento da violencia, con énfase na saúde materna e a atención integral a vítimas de violencia sexual
A.1.1. Capacitación de 12 profesionais de saúde (50% mínimo de mulleres) das 6 estruturas sanitarias da cidade de Beni para a atención específica de casos de violencia baseada no xénero e en coidados obstétricos neonatales de urxencia.
A.1.2. Reabastecemento de 6 estruturas de Saúde en medicamentos esenciais e específicos, material funxible sanitario e kits para a asistencia médica das vítimas da emerxencia desprazadas na cidade de Beni.
A.1.3. Asistencia médica de emerxencia á poboación afectada polos enfrontamentos armados, con énfases nas mulleres, embarazadas e poboación infantil
A.1.4. Asistencia sanitaria de específica a 60 vítimas de violencia sexual de 6 estruturas sanitarias da zona Sur de Beni.
RE2. Aumentadas as capacidades comunitarias para a Promoción dos Dereitos Sexuais e Reprodutivos das mulleres e as nenas, Garantindo a recuperación integral e reinserción Comunitaria das vítimas de violencia sexual e violencia baseada no xénero
A.2.1. Selección e capacitación de (6) líderes e lideresas comunitarias ( mínimo 2 mulleres) e de (12) conselleiras comunitarias (9 mínimo mulleres) das 6 áreas de saúde participantes en prevención da violencia baseada no xénero, promoción de BBPP en saúde e resolución pacífica de conflitos
A.2.2. Realización de 240 sesións de sensibilización sobre promoción de saúde e resiliencia da poboación en contextos de emerxencia
A.2.3. Realización de 220 sesións de promoción da maternidade sen risco, o seguimento pre e post natal e a atención ao parto e coidados neonatales
A.2.4. Organización dun grupo de terapia ( 2 sesións) para a recuperación emocional e reinserción de mulleres vítimas de violencia sexual
RE3. Articulada unha estratexia local en rede de testemuño, Denuncia e advocacy, como instrumento preferente de Protección, restitución de dereitos e promoción da Cultura de Paz
A.3.1. Conformación e capacitación de 2 CLDH na cidade de Beni para a vixilancia e seguimento das vulneracións dos DDHH de mulleres e nenas acorde á R1325
A.3.2. Vixilancia e reporte mensual das situacións de vulneración dos DDHH nas 6 áreas de saúde de Beni
A.3.3. Difusión de 20 emisións radiofónicas de sensibilización e prevención comunitaria.
A.3.4. Difusión dun documento de denuncia e recomendacións para a protección dos DDHH da poboación entre as autoridades locais, a sociedade civil e outros sectores comunitarios de interese
Directa: A poboación suxeito de dereitos sobre a que se focaliza a presente intervención comprende tanto a poboación de acollida como a poboación desprazada interna das Áreas de Saúde de Boikene, Kasabinyole, Mabakanga, Mabolio, Bunduji e Mukulya, nas comunas urbanas de Rwenzori, Muleka e Bungulu pertencentes á Zona de Saúde de Beni. O colectivo beneficiario deste proxecto constará de 4.060 beneficiarios directos, dos cales 1.858 serán mulleres, 983 homes, 796 nenas e 421 nenos. Trátase de desprazados internos, retornados, poboación local e grupos de especial vulnerabilidade.
Indirecta: 55.662 persoas, das cales 20.260 mulleres, 18.702 homes, 8.683 nenas e 8.015 nenos. en tanto que potenciais usuarios dos servizos sanitarios situados nun rango inferior a 5 km de estruturas de saúde participantes, na medida na que verían mellorada a calidade da atención primaria á saúde dispoñible nas tres Áreas de Saúde participantes. Igualmente configúranse como potenciais receptores/as das mensaxes ligadas á promoción da saúde e a prevención da violencia sexual e da violencia baseada no xénero, favorecendo o seu acceso a información pertinente e relevante que potencie o desenvolvemento de competencias que incidan na adopción de prácticas máis responsables coa saúde e coa adopción de identidades de xénero non violentas.
Axuda Xunta de Galicia: 49.949,35 €