A SOCIEDADE GALEGA COÑECE A SITUACIÓN ACTUAL DO ACCESO A MEDICAMENTOS ESENCIAIS NOS PVD, AS CAUSAS DA DEVANDITA SITUACIÓN E O PAPEL DOS ACTORES IMPLICADOS, E ADEMAIS TOMA CONCIENCIA DA PROBLEMÁTICA

Este proxecto busca trasladar á poboación galega a problemática e a desigualdade existente no acceso a medicamentos esenciais, que se sostén nunha tremenda desigualdade da que se pretende facer partícipe á sociedade galega, tratando de xerar conciencia crítica e favorecendo a mobilización social, fomentando o desenvolvemento de valores e actitudes persoais e colectivos e construíndo un coñecemento crítico da realidade e incidencia dirixido a diferentes sectores de Galicia, fundamentalmente aqueles onde o ámbito de influencia é maior: universitarias/os, estudantes de formación profesional, colexios profesionais sanitarios, medios de comunicación, administracións públicas e poboación en xeral. Con este fin, vaise traballar cun triplo compoñente: difusión, debate e reflexión, e propostas.
A campaña actúa entendendo que ter coñecementos amplos sobre o funcionamento da desigualdade que orixina o acceso a medicamentos esenciais supón un bo exemplo sobre a repercusión do acceso á saúde como xerador de pobreza ou riqueza segundo sexa este acceso.
Período de execución: setembro 2010 – novembro 2011