UN POZO DE AUGA PARA NGOUYE. SENEGAL
O fin deste proxecto é dotar á comunidade de Ngouie de sistemas auto xestionados de auga potable consistentes nun pozo moderno cunha bomba eléctrica de 2.000 a 3.000 l/h e dun xerador eléctrico. O fin último é garantir á poboación local o acceso á auga potable e, na mesma orde, diminuír a incidencia de enfermidades diarreicas e da pel na poboación, mellorar o seu estado nutricional e as súas condicións hixiénicas, aliviar a carga de traballo das mulleres, os nenos e as nenas, elevando así o nivel de vida da poboación.
O proxecto conta para a súa execución coa participación activa dos e das beneficiarias a través de diferentes órganos como son o consello de anciáns, o pleno do consello local e a dirección escolar. Ademais, formarase e capacitarase a un grupo de persoas responsables do mantemento das instalacións e poñerase en marcha un comité de auga potable para facilitar a xestión e o mantemento das instalacións.
Período de execución: agosto 2010 - decembro 2010
Equus Zebra Oeste África
Contribuír a diminuír as enfermidades diarreicas dos habitantes de Ngouye.
- Estudar o lugar idóneo para situar o pozo con utilización do método radiestésico do péndulo.
- Construción dun pozo de auga con motobomba, empregando 8 homes e mulleres da veciñanza, co fin de que aprendan técnicas básicas de construción de pozos.
- Elección de catro membros para conformar o comité de auga potable.
- Formación dos catro membros do comité en xestión e mantemento do recurso hídrico.
Directa: os habitantes da zona de Ngouye, que se estima ascende a 40 familias (800 membros en total).
Indirecta: uns 1.500 habitantes de todo o territorio que conforma a comunidade rural de Ngouye.
25000