Xerando oportunidades para mulleres e homes para unha mellor seguridade alimentaria nos distritos de Chetilla e Magdalena. Cajamarca. Perú
O proxecto forma parte dunha proposta integral que ten como finalidade reducir a vulnerabilidade nutricional e alimentaria das 300 familias dos distritos rurais de Chetilla e Magdalena desde unha perspectiva de xénero.
Para iso fortaleceranse as capacidades técnico produtivas das mulleres e homes a fin de incrementar a diversificación produtiva e a produtividade; deste xeito, as familias, mediante o cultivo de hortalizas e a crianza de coelliños de indias, terán posibilidades de incluír nas súas dietas elementos nutricionais en cantidade e calidade suficientes.
Incidirase tamén na xeración de valor engadido ao leite, a fin de complementar a súa alimentación e diversificar os ingresos monetarios a través do fortalecemento das capacidades empresariais e comerciais das persoas que integran as organizacións económicas para un mellor desempeño no mercado local e rexional para mellorar a calidade e cantidade da oferta produtiva para destinalos a mellores mercados, obtendo un mellor beneficio en canto a pedidos (estes son regulares durante todo o ano) e prezos.
Fortaleceranse as capacidades e habilidades organizativas e empresariais das familias produtoras de Chetilla; para que as familias involucradas no proxecto coñezan e apliquen adecuadamente ferramentas de xestión organizacional e empresarial, buscando xerar unha visión de negocio coa participación de homes e mulleres na toma de decisións empresariais.
Outro dos aspectos a traballar é a recuperación e fortalecemento dos patróns culturais alimenticios locais e a concienciación das mulleres e homes sobre a súa situación de xénero e o fortalecemento das capacidades do funcionariado e das autoridades municipais para xestionar de forma concertada os procesos de xestión para a seguridade alimentaria e o investimento en desenvolvemento humano desde unha perspectiva de xénero.
Centro Ecumenico de Promoción e Acción Social Norte – CEDEPAS NORTE
Obxectivo Xeral: Contribuír á mellora dos niveis de alimentación e nutrición dos distritos de Chetilla e Magdalena.
Obxectivo Específico: Diminuír os niveis de vulnerabilidade nutricional e alimenticia en familias do ámbito de intervención desde un enfoque de xénero nos distritos de Chetilla e Magdalena.
Resultado 1.1.: Increméntase a diversificación produtiva de alimentos e elévase a súa produtividade mediante o acceso das mulleres a recursos para a produción.
Actividades:
A.1.1.1.: Elaboración de materiais educativos.
A.1.1.2.: Asesoría para a diversificación produtiva de alimentos e crianza de coelliños de indias.
A.1.1.3.: Obradoiros de capacitación en manexo produtivo de coelliños de indias e horticultura.
A.1.1.4.: Capacitación para a produción de derivados lácteos.
A.1.1.5.: Cofinanciamento para a mellora de plantas queseras.
A.1.1.6.: Pasantías para ver experiencias de actividades produtivas lideradas por mulleres, preferentemente de transformación de lácteos.
Resultado 1.2.: 200 mulleres produtoras e as súas familias recuperan e fortalecen os patróns culturais alimenticios con base na produción local.
Actividades:
A.1.2.1.: Elaboración de material educativo para mulleres e para homes.
A.1.2.2.: Diagnóstico de prácticas alimenticias adecuadas e deseño dunha campaña de sensibilización.
A.1.2.3.: Elaboración dun plan de comunicación para o cambio de comportamento.
A.1.2.4.: Obradoiros sobre seguridade alimentaria e nutrición, sanidade; e novos modelos femininos e masculinos persoais.
A.1.2.5.: Concursos sobre seguridade alimentaria e nutrición.
A.1.2.6.: Prácticas demostrativas en escolas sobre alimentación e nutrición.
A.1.2.7.: Unha feira de alimentación e nutrición: "Rol das mulleres na produción e na gastronomía local. Os homes tamén poden."
Resultado 1.3.: Increméntase e fortalécese a participación efectiva das mulleres nos espazos e procesos públicos.
Actividades:
A.1.3.1.: Deseño de materiais educativos.
A.1.3.2.: Obradoiros de liderado e participación cidadá para mulleres.
A.1.3.3.: Obradoiros sobre equidade de xénero e dereitos das mulleres.
A.1.3.4.: Obradoiros de sensibilización a homes sobre novos modelos masculinos e femininos sociais.
A.1.3.5.: Asesoría e acompañamento para a articulación das produtoras de Chetilla e Magdalena con Movementos Rexionais de Mulleres.
A.1.3.6.: Estudo sobre a situación das mulleres no ámbito rural nas zonas de Chetilla e Magdalena.
A.1.3.7.: Encontro Rexional de produtoras de Cajamarca (Articulación de dirixentas a Movementos Rexionais de Mulleres).
A.1.3.8.: Asesoría a dirixentas para a negociación de axendas públicas sobre seguridade alimentaria.
Resultado 1.4.: Autoridades, funcionarios e representantes de organizacións sociais de base con mellores capacidades para a xestión concertada da seguridade alimentaria e o investimento en desenvolvemento humano rural con enfoque de xénero.
Actividades:
A.1.4.1.: Elaboración de material educativo.
A.1.4.2.: Formación en xestión pública e políticas de desenvolvemento humano con enfoque de xénero.
A.1.4.3.: Xornada de reflexión aos e ás integrantes de espazos de loita contra a pobreza e de concertación e outros actores: sobre Gobernabilidade democrática desde unha perspectiva de xénero.
A.1.4.4.: Xornadas para a elaboración de axendas políticas en Chetilla e Magdalena sobre desenvolvemento rural con equidade.
A.1.4.5.: Concurso público: Boas prácticas en materia de igualdade entre mulleres e homes no desenvolvemento rural en Cajamarca.
Resultado 1.5.: Increméntase a rendibilidade dos emprendimientos empresariais de derivados lácteos e coelliños de indias no distrito de Chetilla.
Actividades:
A.1.5.1.: Elaboración de materiais educativos en xestión empresarial.
A.1.5.2.: Capacitación para cada grupo obxectivo en xestión empresarial.
A.1.5.3.: Asesoría integral en xestión empresarial.
A.1.5.4.: Sistema de cofinanciamento do seu plan de marketing e desenvolvemento de produtos con valor agregado.
A.1.5.5.: Capacitación en comercialización e negociación.
A.1.5.6.: Elaboración de plans de negocio para coelliños de indias e derivados lácteos.
A.1.5.7.: Asesoría e acompañamento para o funcionamento de redes empresariais e elaboración de estratexias comerciais.
A.1.5.8.: Acompañamento na participación en feiras locais/rexionais.
A.1.5.9.: Desenvolvemento de marca colectiva.
Resultado 1.6.: Xestionouse de xeito eficiente o presente proxecto.
Actividades:
A.1.6.1.: Liña de base.
A.1.6.2.: Obradoiro de capacitación ao equipo do proxecto.
A.1.6.3.: Seguimento.
A.1.6.4.: Obradoiro anual de autoevaluación.
A.1.6.5.: Sistematización da experiencia.
A.1.6.6.: Avaliación final externa do proxecto.
Directa: 300 mulleres en situación de pobreza das comunidades de Chetilla e das Redes Empresariais nos distritos de Chetilla e Magdalena, coas que se traballará a proposta da diversificación produtiva en base a hortos familiares e crianza de coelliños de indias e a quen se fortalecerá nas súas capacidades para garantir a seguridade alimentaria e participación efectiva nos espazos e procesos públicos. 10 autoridades, persoal funcionario e equipo técnico municipal dos Gobernos Distritais de Chetilla e Magdalena. 400 nenos e nenas dos oito centros educativos da zona de intervención. 200 homes compañeiros das mulleres que participasen nas actividades do proxecto e que serán sensibilizados sobre a súa implicación nos traballos reprodutivos e de coidados.
Indirecta: Familias situadas na contorna inmediata da poboación directa do proxecto.
174.840,00 (2011: 61.194,00; 2012: 113.646,00)