As organizacións de Mali quixeron bautizar o Foro Mundial sobre a Soberanía Alimentaria, que se celebrará do 23 ao 27 de febreiro, cun nome significativo para o campesiñado do seu país. Escolleron Nyéléni 2007.
"En Mali hai un símbolo moi poderoso que podería ser o símbolo da soberanía alimentaria. É unha muller que entrou na historia de Mali como muller e como gran agricultora. Cando se dí o seu nome, todo o mundo sabe o que representa. Nai nodriza, nai agricultora, loitou para afirmarse como muller nun entorno que non lle era favorabel. Esta muller chamábase Nyéléni. Se usamos este símbolo en Mali todo o mundo saberá que é unha loita pola alimentación, unha loita pola soberanía alimentaria"