Proxectos

Este proxecto trata de promover a soberanía e apropiación dos dereitos dixitais e sociais por parte da cidadanía, abrindo conversacións sobre as posibilidades democratizadoras das novas tecnoloxías, desde unha perspectiva de avance en dereitos e ben común. A intervención propón unha estratexia educativa e narrativa, baseada en xerar e compartir historias conectadas para forxar, difundir e reforzar narrativas beneficiosas que teñan un impacto acumulativo e nos leven cara un futuro mellor, contrarrestando narrativas as daniñas. Os puntos chave do proxecto son:

O proxecto busca fortalecer as capacidades dunha comunidade-barrio e de actores multiplicadores chave para identificar as vulneracións do dereito ao hábitat que viven, así como para fortalecer as capacidades e ferramentas para a defensa do mesmo. Este proxecto continúa a nova etapa do traballo de ASF Galicia no eido educativo iniciada no ano 2023, que ampliou o seu campo de acción á escala do barrio e a comunidade.

EDUCATION4thePLANET aborda Emerxencia climática e a desigualdade de xénero desde o actual sistema de produción e consumo de alimentos, baseado en sobreprodución, degradación ambiental e desigualdade. Promove unha cidadanía activa da mocidade galega con mirada ao Sur Global na defensa da Axenda 2030, en especial do ODS13, poñendo en valor a achega da contorna rural e mariño ante á emerxencia climática con Enfoque de Xénero e Baseado en Dereitos Humanos (EGBDH).

Con este proxecto quérese impulsar o concepto de tecnoloxía para o ben común na docencia da comunidade educativa do ensino secundario galego de base tecnolóxica. O concepto de “Tecnoloxía para o Desenvolvemento Humano” (ou para o ben común e a emancipación, como vaise denominándoo ultimamente), parte de cuestionar o uso histórico da tecnoloxía e apostar por unha tecnoloxía participativa e non excluínte que permita lograr a equidade e a xustiza social cun enfoque de ben común.