DESENVOLVEMENTO INTEGRAL EN COMUNIDADES DA FRONTEIRA PERUANO – ECUATORIANA CON ENFOQUE NA XESTIÓN SOCIAL DA AUGA E A SOBERANÍA ALIMENTARIA

Esta intervención parte dunha proposta integral de desenvolvemento a longo prazo con unha proxección de 10 anos e busca mellorar a vida das familias coas que se veñen traballando na zona de fronteira. É complementaria ao Plan de Intervención Trienal 2008-2010 de Axuda en Acción Ecuador e Perú.

Na intervención considérase como prioridade a auga e arredor deste tema articularanse os eixos de: Produción, Educación, Gobernabilidade e Saúde. No eixo de Produción impulsaranse as colleitas de auga con rego tecnificado para un uso eficiente do recurso hídrico incrementando o número de colleitas ao ano, a diversificación agrícola e pecuaria permitirá mellorar a dieta alimentaria das familias e os estercos servirán como materia prima para a elaboración de aboamentos orgánicos; mediante a instalación de espazos alternativos de circulación e distribución de produtos agropecuarios articularase aos/ás produtores e consumidores dos distritos de Ayabaca, Sícchez e Suyo coa finalidade de que poidan acceder a mercados locais e rexionais colocando os seus produtos con calidade, oportunidade e volume; tendo en conta a problemática do cambio climático que vén afectando ao mundo enteiro implementarase un plan de mitigación ambiental, instalando un viveiro comunal con especies agroforestais, realizando xornadas de reforestación e conformando comités de xestión do medio en coordinación cos Gobernos Locais e Institucións Públicas.

Como impulso á produción agropecuaria, no Cantón Quilanga, no Ecuador, emprenderase a implementación de dous sistemas de rego que favorecerán directamente polo menos 65 familias da zona. Diversas accións acompañadas dun plan de fortalecemento das Xuntas de Auga e organizacións comunitarias, así como unha campaña de sensibilización ambiental de ámbito cantonal permitirá sentar as bases de para un manexo sostible e sustentable do proxecto por parte da poboación unha vez a intervención cese.

No eixo de Educación aplicarase a Proposta Metodolóxica para a Escola Rural e traballarase coa comunidade educativa e no eixo de Gobernabilidade farase énfase na promoción da participación cidadá e incidencia política en torno á xestión social da auga e a soberanía alimentaria.
No eixe de Saúde mellorarase as condicións de salubridade e saneamento das familias coa instalación de sistemas de auga, fortalecemento das Xuntas de Administración de Servizos e Saneamento, cociñas melloradas e latrinas sanitarias.
As alianzas estratéxicas e os procesos de concertación con Institucións públicas e privadas, serán parte importante para o logro dos obxectivos formulados e para a sustentabilidade do presente proxecto.

Período de execución: abril 2010 – decembro 2010