Educación básica de calidade, equitativa e loita contra as prácticas nefastas e a explotación infantil na zona fronteriza do NE de Guinea Bissau

RESULTADO 1.0: Creado e posto en práctica un sistema de execución, seguimento e avaliación do proxecto. 

• A.1.0.1: Selección e contratación do equipo responsable da execución e seguimento do proxecto.
• A.1.0.2: Celebración de reunións de coordinación cada dúas semanas.
• A.1.0.3: Elaboración e posta en práctica dun sistema de seguimento económico.
• A.1.0.4: Elaboración e posta en práctica dun sistema de seguimento técnico.
• A.1.0.5: Realización dunha auditoría independente.
• A.1.0.6: Realización dunha avaliación final independente con enfoque de xénero.

RESULTADO 1.1: Aumentada a taxa de escolarización infantil, especialmente das nenas, e reducido o abandono escolar durante o ciclo de formación de ensino básico (1ª a 4ª). 

• A.1.1.1: Estudo, con análise de xénero, sobre as causas da baixa matriculación e o abandono escolar na zona, coa participación de beneficiarios e líderes locais.
• A.1.1.2: Campaña de sensibilización, xunto ás autoridades tradicionais e relixiosas, sobre a importancia da escolarización das nenas.
• A.1.1.3: Creación e implementación dun sistema de avaliación e vixilancia inclusivo, coordinado coa administración rexional de educación e cos comités de  autoxestión comunitaria.

RESULTADO 1.2: Mellorada a infraestrutura e equipamento das escolas rurais da zona fronteiriza, tendo en conta as necesidades de nenos e nenas. 

• A.1.2.1: Construción e equipamento de 2 novas escolas comunitarias.
• A.1.2.2: Mellora do equipamento de 16 Escolas Comunitarias, tendo en conta cuestiones inclusivas fundamentais - xénero, discapacidade, multilingüismo,  intercultaridade etc.
• A.1.2.3: Creación e distribución de Kits de material didáctico básico e formación do profesorado sobre o seu uso e manexo, tendo en conta cuestiones inclusivas fundamentais - xénero, discapacidade,  multilingüismo,  intercultaridade etc.

RESULTADO 1.3: Melloradas as competencias do profesorado da Rede de Escolas Comunitarias a través dun programa bianual de formación integral e inclusiva (continua, en servizo e intensiva). 

• A.1.3.1: Realización de 1 estudo diagnostico, centrado na avaliación das competencias pedagóxicas, de lingua, de xestión escolar e de ensino inclusivo e non discriminatoria dos profesores.
• A.1.3.2: Elaboración de contidos e metodoloxías para a formación integral en pedagoxía, didáctica, lingua e xestión escolar, adaptados aos profesores da rede comunitaria de escolas e orientados por modelos de educación inclusiva e promotores da igualdade de xénero.
• A.1.3.3: Implementación de capacitacións semanais que permitan a formación continua dos profesores da Rede Escolar nas materias indicadas (pedagoxía, didáctica, lingua e xestión escolar, dereitos humanos e aplicación de currículos inclusivos, con enfoque de xénero).
• A.1.3.4: Edición e emisión de programas radiofónicos en colaboración coa Radio Comunitaria  Sankorlá ( NE Guinea  Bissau) dirixidos á orientación pedagóxica dos profesores e á promoción de contidos de defensa dos dereitos das nenas e das mulleres.
• A.1.3.5: Desenvolvemento dun curso intensivo ao final de cada ano escolar (mes de xullo) para reforzo dos coñecementos técnicos (portugués, matemáticas, ciencias naturais, xeografía e prácticas de ensino inclusivo) dos profesores da Rede.
• A.1.3.6: Supervisión pedagóxica diaria aos profesores da rede de escolas de  autoxestión comunitaria.

RESULTADO 1.4: Creados, capacitados, regulamentados e en funcionamento Comités de  Autoxestión Comunitaria en todas as Escolas da Rede. 

• A.1.4.1: Creación e regulamentación dos Comités de  Autoxestión das Escolas da Rede Comunitaria.
• A.1.4.2: Formación en procedementos básicos administrativos e de xestión financeira, adaptada aos membros dos comités de xestión. Responsable da execución. Recursos precisos.
• A.1.4.3:  Talleres sobre temas de cidadanía e dereitos humanos, con enfoque nos dereitos da infancia e igualdade de xénero, dirixidos aos membros dos Comités de Xestión.
• A.1.4.4: Elaboración dun manual de boas prácticas, enfocado nas cuestións de igualdade de xénero, dos dereitos humanos, en xeral, e particularmente dos nenos e das nenas.

RESULTADO 1.5: Sensibilizouse á poboación na zona transfronteiriza ( NE Guinea  Bissau: Rexións de  Bafata e  Oio) a través dunha campaña sobre o valor da educación, a promoción dos dereitos humanos, a defensa dos dereitos da infancia, a igualdade de xénero e a erradicación de prácticas nefastas. 

• A.1.5.1: Produción e difusión dun programa de información radiofónica sobre dereitos das nenas e os nenos e o valor da súa educación a través de dous radios comunitarias.
• A.1.5.2: Produción e difusión dun programa de información radiofónica enfocado á erradicación de prácticas nefastas (matrimonio forzado, embarazos a idades moi temperás, ablación xenital feminina, partos non asistidos...) e á loita contra a explotación infantil (fenómeno  talibé) a través de dous radios comunitarias.
• A.1.5.3: Implementación dunha campaña de información, promoción e sensibilización con medios audiovisuais e animación comunitaria sobre igualdade de xénero, dereitos de mulleres e nenas, explotación infantil, migración de menores na zona transfronteiriza de Senegal e Guinea  Bissau (nenos  talibés), ablación xenital feminina, o matrimonio forzado, o abandono escolar etc.
• A.1.5.4: Promoción de concursos  interescolares sobre temas transversais de dereitos dos nenos e das nenas.