Impulsando o consumo sustentable e a alimentación ecolóxica nunha ciudadanía crítica e informada (eco-consumo AdT)

O presente proxecto segue unha liña de continuidade e reforzamento do traballo previo realizado no eido da sensibilización sobre a situación alimentaria global e a formación-capacitación no eido do consumo sustentable. O obxectivo é ampliar o traballo realizado na sociedade galega a prol doutro modelo de consumo e da construción de redes de colaboración cidadás. Baixo esta visión o proxecto vertébrase en dúas liñas de traballo: 1. A difusión da problemática alimentaria global e 2. O fomento da implicación da cidadanía en iniciativas de consumo sustentable
O primeiro eixe traballarase a través de dúas actividades. Por unha banda, levarase a cabo unha labor de achegamento e divulgación dixital de informes e materiais audiovisuais sobre a
situación alimentaria e os impactos do actual sistema de produción. Para isto, aproveitaranse os recursos de toda a rede de Amigos de la Tierra Internacional, así como plataformas sectoriais e organizacións referentes na materia. Por outra banda, organizaranse obradoiros e actividades sobre os impactos do sistema agroalimentario, partindo da actualización dun informe sobre a incidencia das importacións de alimentos no cambio climático, elaborado pola Universidade de Vigo e Amigos de la Tierra España. O segundo eixe artellarase a través de distintas actividades de difusión de alternativas e modelos de consumo, facilitado sempre a capacitación e a implicación da cidadanía nas mesmas.