Tecendo Redes: promovendo a agricultura e a alimentación sustentables en Galicia

Este proxecto parte da experiencia previa e ámbitos de actuación de Amigos da Terra, que continúa o seu traballo para afondar na análise da problemática alimentaria e na posta en marcha de alternativas de alimentación e agricultura sostible. A proposta que expoñemos ten como obxectivo específico promover unha cidadanía concienciada e participativa na construción de modelos alimentarios máis sostibles. Traballarase a partir de dúas liñas de acción enfocadas ao traballo na educación formal e non formal, con especial atención aos seus axentes clave, e contribuíndo a creación de redes de traballo solidarias e cooperativas que contribúan á construción dunha maior xustiza alimentaria a nivel global. Ditas liñas de acción son: a promoción de proxectos de agricultura e alimentación sostibles (cun enfoque global), na comunidade educativa, por un lado, e na poboación adulta, por outro, co obxectivo último de promover e participar dun modelo de alimentación sustentable. Todo elo baixo un enfoque integral que introduza previamente a reflexión sobre o modelo actual de alimentación e consumo e as desigualdades que produce.