Novas de Cooperación Galega

No DOG do 30 de decembro de 2014 publicouse a Orde do 22 de decembro de 2014, da Consellería de Presidencia, Administracións Públicas e Xustiza, pola que se aproban as bases reguladoras da concesión de subvencións, en réxime de concorrencia competitiva, para a execución de proxectos e de microproxectos de cooperación para o desenvolvemento no exterior promovidos polos axentes de cooperación

O vicepresidente da Xunta Alfonso Rueda visitou os campamentos de Tinduf, en Arxelia, onde comprobou in situ as actuacións levadas a cabo grazas ás axudas da Cooperación Galega.

A comunidade autónoma de Estremadura acolleu tamén unha xornada de intercambio de boas prácticas entre as Comunidades Autónomas en cooperación para o desenvolvemento, no que participou persoal da Cooperación Galega.

• O IES Félix Muriel é a primeira parada da segunda edición do proxecto de educación para o desenvolvemento ‘O mundo que queremos’ encadrado dentro do Plan Proxecta.
• O alumnado deberá crear a súas propias propostas comunicativas a través de proxectos de radio e fotografía.
• Máis de 565 alumnos e alumnas de 9 institutos de ensino secundario galegos participan nesta experiencia.
• O proxecto conta co financiamento da Dirección Xeral de Relacións Exteriores e coa UE.