Novas de Cooperación Galega

Coa intervención se espera contribuír á mellora das condicións sociosanitarias e alimentarias das persoas refuxiadas e da comunidade de acollida no campamento de refuxiados de Dadaab, no Condado de Garissa en Kenya (con énfase nas mulleres e nos nenos e nenas menores de cinco anos).

A Dirección Xeral de Relacións Exteriores e coa UE fai pública a resolución da convocatoria de subvencións, en réxime de concorrencia competitiva, para a execución de proxectos e de microproxectos de cooperación para o desenvolvemento no exterior promovidos polos axentes de cooperación, regulada pola Orde do 22 de maio de 2014, da Vicepresidencia e Consellería de Presidencia, Administracións Públicas e Xustiza.

No DOG do 9 de xullo publícase por primeira vez, a Orde do 2 de xullo de 2014, da Vicepresidencia e Consellería de Presidencia, Administracións Públicas e Xustiza, pola que se aproban as bases reguladoras da concesión de subvencións, en réxime de concorrencia competitiva, para a realización de proxectos de investigación e para a creación de grupos de investigación en materia de cooperación para o desenvolvemento, a executar polos grupos e centros de investigación das Universidades galegas.

No DOG do 1 de xullo de 2014 publicouse a Orde do 26 de xullo de 2014, da Vicepresidencia e Consellería de Presidencia, Administracións Públicas e Xustiza, pola que se aproban as bases reguladoras para a convocatoria de oito bolsas de formación de expertos en cooperación internacional para o desenvolvemento.