Proxectos

Fortalecer e mellorar a educación básica de 1.720 mozos/as de Nicaragua e Honduras en situación de vulnerabilidade, con especial énfase no desenvolvemento de competencias profesionais para a súa inserción no mercado laboral.

Mellora da atención primaria en saúde e aceso e uso apropiado de medicamentos esenciais en 17 comunidades rurais dos municipios de Retalhuleu e Champerico na costa sur de Guatemala.

Diminuír a incidencia de enfermidades e embarazos precoces mediante a educación e a capacitación en saúde primaria e preventiva coa realización de xornadas médicas, orientación e sensibilización sobre a problemática de saúde comunitaria, a planificación familiar, a promoción da lactancia materna, o control de vectores transmisores de enfermidades e a atención aos nenos e nenas que é a poboación máis vulnerable á problemática de saúde do barrio de La Mosca.

Contribuír a que 5 comunidades do municipio de Champerico accedan a condicións de vida digna a través da mellora da infraestrutura hixiénico-sanitaria sustentado na promoción da equidade, o respecto aos dereitos humanos, a identidade étnica e a diversidade cultural e a protección do medio ambiente.