Novas de Cooperación Galega

O pleno do Comité das Rexións (CdR) aprobou onte un ditame elaborado por Galicia sobre un novo Consenso Europeo sobre Desenvolvemento. O ditame recolle nun innovador enfoque de cooperación ao desenvolvemento, que actualiza e revitaliza o Consenso de Desenvolvemento comunitario, adaptándoo ao novo contexto internacional e aos compromisos que se derivan da Axenda 2030 de Desenvolvemento Sustentable. O Consenso, que foi adoptado en 2005, está a ser revisado para reflectir eses obxectivos, acordados por Nacións Unidas en 2015.

• O director de Relacións Exteriores e coa UE está a coñecer de primeira man diferentes intervencións da Cooperación Galega na República Dominicana e Cuba
• A visita, cunha intensa axenda de traballo, se enmarca no compromiso de seguimento no terreo dos proxectos financiados no exterior

Informe anual de Cooperación Galega 2015.

No DOG do 25 de maio de 2016 publicouse a convocatoria de seis bolsas para a formación de persoas expertas en cooperación internacional para o desenvolvemento.
O obxectivo destas bolsas, cuxa convocatoria aparece recollida no Plan Anual 2016, é a formación de persoal especializado en materia de cooperación para o desenvolvemento.
Os destinos para a formación dos bolseiros son a sede da Dirección Xeral de Relacións Exteriores e coa UE, onde os/as bolseiros/as se formarán na xestión e xustificación dos expedientes de subvencións e as Oficinas Técnicas de Cooperación da Axencia Española de Cooperación Internacional para o Desenvolvemento (AECID) de Mozambique, República Dominicana, Nicaragua e Perú, nas que os/as bolseiros/as poderán coñecer no terreo o funcionamento das oficinas da Cooperación Española.