Proxectos
-
Mellora dos servizos de atención en saúde Sexual e Reprodutiva e medicamentos esenciais, con énfases nas mulleres indíxenas en 15 distritos de saúde das áreas rurais do Departamento do Quiché. Guatemala
O obxectivo do proxecto é mellorar as condicións de acceso á saúde da poboación da área rural de quince municipios do Departamento do Quiché con énfase nas mulleres indíxenas, a través da mellora da calidade e cobertura de atención con pertinencia cultural dos servizos de saúde sexual e reprodutiva, e medicamentos esenciais. Para iso expón tres compoñentes de traballo: atención en saúde primaria, acceso a medicamentos e fortalecemento organizativo vinculado á saúde.
-
Programa de atención á poboación refuxiada e solicitante de asilo en Nairobi, Kenya
Para comprender o fenómeno do desprazamento das persoas refuxiadas a través das fronteiras é preciso ter en conta a situación política dos países da rexión de África do Leste. Dende o inicio da década dos noventa, Kenya recibiu e acolleu a persoas refuxiadas procedentes dos países veciños, así coma provintes da rexión dos Grandes Lagos. Os principais países emisores teñen sido: Somalia, a República Democrática do Congo, Sudán, Etiopía, Rwanda, Burundi, Uganda e Eritrea.
-
A crise como cambio: perspectivas e alianzas entre mulleres
Este proxecto nace como resultado de 14 anos de traballo de Implicadas no Desenvolvemento a prol dunhas relacións máis xustas entre os pobos dende un compromiso feminista e crítico. No campo crucial da representación, as nosas sociedades seguen promovendo visións das comunidades do Sur que infantilizan, problematizan ou totalizan as experiencias e polo tanto mediatizan a cooperación. Esta situación vese exacerbada no caso das mulleres, que se converten en ferramentas do imaxinario para establecer ao mundo occidental como o sistema de valores modelo para todas as sociedades.
-
Mellora das condicións alimentarias e socio sanitarias da poboación do Distrito de Fafi, Noreste de Kenya, con énfase na poboación mais vulnerable (mulleres e menores de 5 anos)
A República de Kenya ten unha complexa traxectoria en materia de desprazamentos internos e xestión de poboación refuxiada nas súas fronteiras. A poboación refuxiada total no país ascende a 463.023 persoas. Segundo datos actualizados por ACNUR a 12 de febreiro de 2012, o 95,8% dese colectivo de persoas refuxiadas son de orixe somalí que abandonaron o seu país como consecuencia da grave situación de violencia, inestabilidade e fame negra padecida nos últimos anos; condicións que foron empeorando durante todo o ano 2011.
-
Proxecto de abastecemento e saneamento na comunidade de San José de Las Conchas no municipio de Marcovia en Honduras
O proxecto “Proxecto de abastecemento e saneamento na comunidade de San José de las Conchas, no municipio de Marcovia en Honduras” ten a súa orixe no Programa “Redución da vulnerabilidade en áreas empobrecidas, a través do acceso á auga potable, o saneamento e a xestión sostible dos recursos hídricos e do territorio con enfoque de cunca hidrográfica en El Salvador, Honduras e Nicaragua 2008-2012”, que se está a desenvolver na zona co apoio de, entre outros, a AECID e a Xunta de Galicia.
-
Mellora das capacidades en RRD (Redución do Risco ante Desastres) das comunidades de Honduras en Guayacanes; Barrios Blanco, San Antón y Pedro Justo Carrión en San Pedro de Macorís, provincia de San Pedro de Macorís, República Dominicana
A localización da República Dominicana sitúa ao país nunha posición de importante risco fronte a frecuentes fenómenos atmosféricos como furacáns, tormentas tropicais e valgadas. Isto supón unha ameaza constante para a poboación dominicana, sendo os grupos de poboación máis vulnerables aqueles colectivos máis empobrecidos, xa que habitan en zonas de risco de inundacións e derrubes que provocan unha situación de ameaza constante cara ás súas propiedades e integridade física.
-
Favorecer a xeración de espazos e ferramentas para a formación, sensibilización e articulación de redes para a mobilización social arredor da defensa dos dereitos humanos das mulleres no norte e no sur
A presente proposta pretende fortalecer as capacidades de diversos actores da sociedade galega para profundar no coñecemento e na defensa dos dereitos humanos das mulleres desde un enfoque de xénero e de dereitos. Para conseguir este obxectivo se presenta unha dobre vía de traballo. Por unha banda, traballarase a potenciación dos coñecementos e a sensibilización sobre os dereitos humanos das mulleres arredor dos eixos do dereito a unha vida libre de violencia (feminicidio e outras expresións das violencias de xénero), dereitos económicos e dereitos sexuais e reprodutivos.
-
Fortalecemento da área de formación e voluntariado da Fundación Entreculturas en Galicia 2012-2014
Este proxecto ten como obxectivo e liña principal de acción promover o fortalecemento da área de formación e voluntariado e planificación estratéxica da Fundación Entreculturas en Galicia. O marco institucional de Entreculturas en Galicia vén definido polo Plan Estratéxico Galicia 2008-2012 e polo Plan de Mellora da área de formación e voluntariado 2012-2014. Para acadar a realización nos próximos tres anos deste marco institucional no eido da formación e voluntariado e planificación estratéxica, faise preciso fortalecer institucionalmente ás delegacións de Entreculturas en Galicia.
-
Proxecto de fortalecemento da lexitimidade social de ESF Galicia: transparencia, comunicación e base social 2012
O proxecto pretende contribuír ao fortalecemento de Enxeñería Sen Fronteiras Galicia (ESF Galicia) nas áreas que se consideran prioritarias actualmente para a organización así como á mellora do sector da cooperación ao desenvolvemento en Galicia. Este aborda tres liñas principais que son a transparencia e bo goberno de ESF Galicia, a mellora da comunicación externa da asociación e o fortalecemento e ampliación da súa base social.
-
Dotación de novas infraestruturas educativas necesarias na área rural de Bellavista, Loja, Ecuador, para facilitar o acceso á educación básica e potenciar a atención educativa da poboación en idade escolar da zona obxectivo
O proxecto pretende dar solución a un importante problema educativo que sofre a poboación en idade escolar da parroquia de Bellavista, cantón de Espíndola, provincia de Loja, Ecuador.
- « primeira
- ‹ anterior
- …
- 78
- 79
- 80
- 81
- 82
- 83
- 84
- 85
- 86
- …
- seguinte ›
- última »