Proxectos
-
Promover a apropiación de coñecementos, destrezas e habilidades técnicas e o desenvolvemento de competencias emprendedoras de mulleres indíxenas da área rural, que lles brinde un espazo para a xeración de emprego autónomo
A intervención busca apoiar a formación de 550 mulleres residentes do departamento de Sololá e sensibilizar a outras 1.000 para que desenvolvan ou fortalezan competencias para inserirse de xeito dependente ou autónomo ao mercado laboral desde a vía da formación técnica ocupacional no plano extraescolar. Isto permitiralles mellorar as condicións económicas das familias, podendo así mellorar a súa educación, a súa saúde e a súa alimentación.
-
Sensibilizar e formar, en materia de Cooperación ao Desenvolvemento, a un centenar de poboación moza do rural galego en base á soberanía alimentaria e aos principios do comercio xusto
Este consorcio, nacido da experiencia e da coincidencia en obxectivos das catro asociacións participantes, pretende sensibilizar á sociedade galega, especialmente no ámbito rural, en dous eidos que consideran fundamentais: a cooperación ao desenvolvemento e o comercio xusto e responsable (e, por ende, a soberanía alimentaria).
-
Proxecto de difusión do concepto de Tecnoloxía para o Desenvolvemento Humano a través da sensibilización e a educación formal na comunidade universitaria e na sociedade galega en xeral 2012
En Enxeñería Sen Fronteiras Galicia somos testemuñas de como a sociedade galega non exerce sempre como cidadanía crítica, constatando unha falta de compromiso social e conciencia da mesma na loita contra a pobreza e a exclusión social que sofre parte da poboación mundial, especialmente nos países empobrecidos, xa que a pesares de que si amosa interese nestas temáticas, valórase moito máis o traballo das ONGD en proxectos no terreo que aquí.
-
Campaña Mundial pola Educación 2013 en Galicia
A finalidade deste proxecto é dar continuidade ao seu traballo de sensibilización da sociedade galega, en xeral, e da comunidade educativa galega, en particular, verbo da situación da educación no mundo.
A Campaña Mundial pola Educación en Galicia impulsa nos centros educativos e entre os axentes sociais e os actores da cooperación galega, a conciencia da grave situación de incumprimento dos obxectivos de educación para todos e todas de Dakar e dos Obxectivos de Desenvolvemento do Milenio.
-
Cidadanía global e Dereitos Humanos: participación para o cambio social por parte da mocidade e do profesorado da Rede Solidaria da Mocidade no curso 2012-2013
Con este proxecto, Entreculturas quere dar continuidade ao seu apoio e acompañamento á comunidade educativa galega no labor de promover unha cidadanía global e unha cultura da solidariedade que permita a transformación das realidades de inxustiza e exclusión a nivel global e local. Este apoio realízase a partir das liñas de acción establecidas na área de educación para o desenvolvemento da entidade dos últimos anos, integradas, ademais, na proposta de Redes Solidarias Educativas de Entreculturas.
-
Parcería para o apoio técnico á consolidación da administración rexional de augas do norte (Ara Norte). Mozambique
A presente proposta pretende mellorar de xeito medible ata o ano 2014 a realización das atribucións e competencias do ARA Norte, establecidas no seu estatuto orgánico, para o cumprimento do seu obxectivo de protección, desenvolvemento e xestión integrada e participativa dos recursos hídricos. Así, as áreas seleccionadas de actuación se concentran no monitorio deses recursos hídricos; a avaliación das infraestruturas hidráulicas; e na xestión ambiental, planificación e control do dominio público hídrico, liderando a participación e involucramento dos actores de interese.
-
Fortalecemento institucional e comunitario no marco do programa Oxlajujtz´ikin. Fase IV
O proxecto representa a derradeira fase do programa Oxlajuj Tz’ikin no ámbito do fortalecemento das capacidades técnicas, administrativas, financeiras e políticas dos gobernos municipais e das organizacións comunitarias de Retalhuleu e Champerico. Preténdese que ao finalizar a execución, os gobernos municipais consoliden a súa capacidade financiera para o que se traballará fundamentalmente no ordenamento territorial. Respecto ás estruturas comunitarias, afóndase na súa participación e incidencia para o desenvolvemento integral e a equidade de xénero dende a cosmovisión maia.
-
Mellora das capacidades produtivas para a soberanía alimentaria e para o impulso de iniciativas produtivas comunitarias na costa sur de Guatemala. Departamento de Retalhuleu. Fase III
Coa presente proposta preténdense consolidar os procesos iniciados nos períodos correspondentes do 2009 ao 2011 co proxecto "Mellora das capacidades produtivas para a soberanía alimentaria e para o impulso de iniciativas produtivas comunitarias na Costa Sur", financiado pola Xunta de Galicia mediante convenio de colaboración asinado en setembro de 2009, e o convenio asinado o 27 de abril 2011 no marco do Programa de Desenvolvemento Integral Oxlajuj Tziquin, Champerico, Retalhuleu, Guatemala.
-
Proxecto para a mellora da atención primaria en saúde e o acceso e uso apropiado de medicamentos esenciais en 17 comunidades rurais dos municipios de Retalhuleu e Champerico na costa Sur de Guatemala, Fase IV
O presente proxecto ten como obxecto a "Mellora da atención primaria en saúde e o acceso e uso apropiado de medicamentos esenciais en 17 comunidades rurais dos municipios de Retalhuleu e Champerico na costa Sur de Guatemala", xerando as capacidades e recursos suficientes para garantir o acceso adecuado aos servizos de atención primaria en saúde e medicamentos esenciais na zona de intervención.
-
Proxecto de saneamento ambiental en Champerico, Departamento de Retalhuleu. Guatemala. Fase III
O principal obxectivo do Proxecto Integral de Saneamento Básico (Convenio III) é contribuír a que catro comunidades do municipio de Champerico accedan a condicións de vida digna a través da mellora da infraestrutura hixiénico-sanitaria sustentada na promoción da equidad, o respecto aos dereitos humanos, á identidade étnica e á diversidade cultural e a protección do medio ambiente.
- « primeira
- ‹ anterior
- …
- 80
- 81
- 82
- 83
- 84
- 85
- 86
- 87
- 88
- …
- seguinte ›
- última »