Proxectos

Xeración Contrainfo nace en 2022 como resposta á radicalización dos discursos de odio entre as e os adolescentes, que segundo relataba o persoal docente e os colectivos afectados estaban provocando un clima de polarización social nas aulas e uns altos niveis de intolerancia e de agresividade cara as persoas migrantes e/ou racializadas, as persoas xitanas e as persoas do colectivo LGBTQ+, ao que hai que engadir a transversalización da discriminación por xénero.

A proposta que expoñemos ten como meta promover unha comunidade educativa galega concienciada e participativa na construción de modelos alimentarios máis sustentables.

Para elo traballarase a partir dunha liña de acción focalizada na educación formal, dentro da Rede de Eco Hortas Escolares, unha rede de traballo colaborativo en torno ás hortas escolares, impulsada por Amigas da Terra e única en Galicia que naceu no curso 2018-2019 e que no actual curso conta cun total de 14 centros educativos participantes.

Abeirar aborda o dereito ao hábitat desde un enfoque de dereitos humanos, entendendoo non unicamente como o acceso a unha vivenda, senón como o dereito a formar parte de territorios seguros, inclusivos, diversos, participativos e libres de discriminación. Habitar implica tamén poder participar na comunidade, establecer vínculos, acceder aos recursos do territorio e sentirse parte del.

Galicia caracterízase polo seu alto grao de ruralidade, marcado por unha poboación dispersa, o envellecemento demográfico e un tecido comunitario activo sostido por redes veciñais, asociativas e familiares. Neste contexto, as mulleres representan aproximadamente a metade da poboación rural, aínda que seguen a enfrontarse a desigualdades estruturais no acceso á terra, á propiedade das explotacións, á participación nos órganos de toma de decisións e á brecha de xénero nos sectores agrícola e cooperativo.