Proxectos

O proxecto para o que Asemblea de Cooperación pola Paz solicita a colaboración por parte da FAHG xorde despois de que a ofensiva militar israelí Plomo Fundido en decembro de 2008, supuxera a destrución de boa parte do sector agrícola gazatí, tal e como consta un estudo realizado en febreiro do presente entre a OCHA e diferentes ONG, entre elas ACPP e deixou o 88% da poboación en graves dificultades de acceso a alimentos básicos.

A SOGAPS executou un proxecto de apoio ao sistema sanitario saharauí no referente aos servizos de atención primaria, en especial a atención á poboación máis vulnerable dos campamentos de refuxiados. Este proxecto é a continuidade doutro xa desenvolvido no 2008 pola SOGAPS, de formación pediátrica aos profesionais sanitarios dos dispensarios e hospital dos campamentos Tinduf e conta para a súa realización co apoio e a colaboración das autoridades sanitarias saharauís, e a súa contraparte no terreo é o denominado Ministerio de Saúde Pública, da República Árabe Saharauí Democrática (RASD).

O obxectivo do proxecto é establecer unha plantación coherente de cacao ecolóxico que supoña unha alternativa ao cultivo da coca, evite as formas de agricultura agresivas ao medio, restaure a cuberta forestal, respecte os enclaves do territorio cuxos valores naturais mereza a pena preservar, respectar a conservación da biodiversidade da zona e contribuír ao desenvolvemento sostible das poboacións residentes no contorno, mediante o incremento do emprego e nivel de rendas, contribuíndo aos aspectos sociais, sanitarios e educativos das mesmas.

Preténdese achegar ao público universitario e á sociedade en xeral a realidade dos países en vías de desenvolvemento e a importancia da cooperación na construción dun mundo máis xusto, e así atenuar a desigualdade socioeconómica existente
Período de execución: abril – decembro 2009