Proxectos
-
Resposta ao impacto da emerxencia COVID-19 e as súas medidas de contención na provincia de San Cristóbal, República Dominicana
-
Previr e mitigar o impacto dos riscos humanitarios asociados á pandemia Covid-19 sobre os dereitos e a dignidade da poboación de San Cristóbal, con enfoque no fortalecemento de capacidades, prevención e resposta á VBG e SSR, República Dominicana
A presente intervención contribúe á protección integral dos dereitos e a dignidade da poboación de tres barrios do Municipio de San Cristóbal (República Dominicana) afectados polo Covid-19, con especial énfase na equidade de xénero e a RRD inclusiva. Preténdese paliar os riscos socioeconómicos e sanitarios que a pandemia provocou na poboación en maior situación de vulnerabilidade.
-
Reforzo da resposta sanitaria e da estratexia comunitaria cara ao COVID-19 no distrito de Matola, Mozambique
A través desta intervención Médicos do Mundo pretende contribuír á prevención e diminución da transmisión de COVID-19 nas unidades sanitarias e tamén a nivel comunitario no Posto Administrativo de Infulene, Distrito de Matola, Provincia de Maputo.
-
Mellora do estado nutricional dos nenos e nenas das comunidades máis vulnerables de Malí
Este proxecto enmárcase no Programa País de UNICEF Malí 2020-2024, un programa que apoia o Marco Estratéxico para a Recuperación Económica e o Desenvolvemento Sostible do goberno de Malí, no contexto da Axenda 2030 para o Desenvolvemento Sostible. Así mesmo, o proxecto tamén se integra no Plan de Acción para a Igualdade entre os Xéneros de UNICEF para 2018- 2021 en concordancia co Plan Estratéxico do UNICEF para 2018-2021. Doutra banda, introdúcese co Plan Nacional para a prevención e o control da enfermidade do COVID-19, así como o Plan de reposta ao COVID-19 de UNICEF Malí.
-
Mellorar a capacidade de resposta e prevención do sistema de saúde local do asentamento de Eastleigh North, Nairobi, na emerxencia sanitaria do COVID-19 con énfase na protección dos grupos de poboación en situación de maior vulnerabilidade fronte á pandemia
O presente proxecto ten como obxectivo mellorar a capacidade de resposta e prevención do sistema de saúde local de Eastleigh North (Nairobi), Kenia, na emerxencia sanitaria do COVID-19 con énfase na protección dos grupos de poboación en situación de maior vulnerabilidade fronte á pandemia. Así a intervención localízase no asentamento informal de Eastleigh North, no barrio de Eastleigh, sub-condado de Kamukunji, condado de Nairobi, Kenia.
-
Cooperación Galega: O mundo que queremos 2019-2020
O presente proxecto constitúese como a VII edición dunha iniciativa que conta con dúas características diferenciais que condicionan cada unha das fases e elementos que a compoñen; dunha banda, o feito de formar parte do Plan Proxecta da Consellería de Educación da Xunta de Galicia e doutra, o feito de aspirar a ser un proxecto colectivo e participado polo maior número posible de entidades e colectivos galegos con experiencia no eido da EDCG das que, no momento da presente formulación son 4 entidades. Ambos feitos inciden directamente no obxecto, contidos e metodoloxía do mesmo.
-
Addenda modificativa relativa ao Acordo de Prórroga e ao Acto de Adhesión do Convenio entre a Cooperación Descentralizada e a Axencia Española de Cooperación Internacional para o Desenvolvemento para a actuación conxunta e coordinada en materia de acción humanitaria
Prórroga do Convenio entre a Cooperación Descentralizada e a AECID para a actuación conxunta e coordinada en materia de acción humanitaria, suscrito o 3 de outubro de 2018 e publicado no BOE o 9 de novembro de 2018. Este convenio permite, por unha banda, o establecemento dunha relación de coordinación constante entre a Oficina de Acción Humanitaria (OAH) da AECID e as Comunidades Autónomas participantes, e por outra, o financiamento conxunto das intervencións que se seleccionen.
-
Fortalecemento do enfoque de protección integral feminista para defensoras de dereitos humanos en Mesoamérica
O presente proxecto nace para dar resposta á actual situación de vulneración de dereitos aos que fan fronte as defensoras de dereitos humanos en Mesoamérica, poñendo un foco especial en Nicaragua debido á crise sociopolítica que se iniciou en abril do ano pasado.
-
Atención Sanitaria a nenos con necesidades especiais en defensa dos dereitos do paciente en Guinea Bissau
O obxectivo xeral deste proxecto, en liña co ODS 3, é contribuír a asegurar o exercicio efectivo do dereito humano á saúde en Guinea Bissau. O obxectivo específico é “Promover o exercicio efectivo do dereito humano á saúde no Sector Autónomo de Bissau, con especial atención aos colectivos máis vulnerables”.
-
Fortalecemento de capacidades técnicas e operativas para a mellora da xestión dos recursos hídricos en Mozambique (AQUA - MOZ)
A xestión dos recursos hídricos e o fortalecemento das administracións responsables é unha prioridade en Mozambique. O desenvolvemento de actividades que vinculen melloras técnicas e procesos de xestión nun mesmo plan de acción foi identificado como unha formulación de éxito na cooperación galega coa administración da auga de Mozambique.
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »