Proxectos

 O obxectivo deste proxecto é contribuír á redución da feminización da pobreza no sector da confección e ao respecto aos dereitos humanos e laborais para garantir un desenvolvemento sustentable. Para iso, a cidadanía galega toma conciencia da problemática global da feminización do sector do téxtil e o impacto da deslocalización a través do coñecemento da realidade das traballadoras galegas e marroquís con formatos innovadores e apoian a campaña global polos salarios dignos e a necesidade dun consumo responsable de roupa.

A presente proposta responde a unha parte dun proxecto de maior envergadura, que ten como financiador á Axencia Española de Cooperación Internacional ao Desenvolvemento,e onde a Xunta de Galicia asume parte do financiamento. Trátase dun proxecto de ámbito nacional e rexional, onde se traballará con mulleres de Lima, de zonas urbano populares, pero tamén das rexións de Piura, provincia de Sullana, de Junín das provincias de Jauja, Concepción e Tarma; da provincia de Xaén e de Cajamarca na rexión Cajamarca; da provincia de Tarapoto na Rexión San Martín.

O presente proxecto forma parte das prioridades locais contidas nas estratexias do PDM de Poroma, o Plan de Desenvolvemento de Chuquisaca e os liñamentos da política boliviana respecto da seguridade alimentaria para poboacións campesiñas ata agora excluídas.

O proxecto impulsará o sector da produción agropecuaria de campesiños indíxenas aymaras baseado na introdución de innovacións técnicas e organizativas que eleven a produción agrícola en invernadoiros e a produción pecuaria de leite e derivados lácteos en 8 comunidades de 3 municipios do departamento da Paz, con equidade de xénero e impulsando a mellor nutrición das familias.