Proxectos

A presente proposta pretende buscar complementariedade coas actividades que CODDEFFAGOLF e ESF Galicia veñen desenvolvendo na zona, no marco do proxecto “Fortalecemento da organización, alianzas e a produción agropecuaria de grupos campesiños para mellorar a seguridade alimentaria nos municipios de Nacaome e San Lorenzo, Honduras”, que se esta a levar a cabo desde 2013 coa financiación da Unión Europea. Deste xeito, puideron identificarse accións complementarias para reforzar e crear sinerxías.

A presente actuación forma parte dun proxecto integral máis amplo de mellora das dotacións de saneamento en Restauración que JACARAFE e ACPP veñen desenvolvendo desde 2011 en apoio á planificación estratéxica e á priorización de necesidades levadas a cabo polo Concello de Restauración a través do seu Plan Municipal de Desenvolvemento.

O presente proxecto enmárcase dentro da estratexia de traballo que CORDES e ACPP teñen no Salvador e concretamente na zona do baixo Lempa. Ambos os actores desenvolveron unha intervención durante cinco anos que serviu de profundización no coñecemento sobre as condicións de vida, problemáticas, expectativas e potencial da poboación da zona. Coa presente acción preténdese continuar cos procesos abertos entón e reforzar aspectos importantes de anteriores etapas, que abran novas posibilidades ás familias beneficiarias.

A crise á que se está enfrontando a República de Malí é multidimensional e interconectada. De modo que, ás xa preexistentes falta de seguridade alimentaria e déficits na produción, sumouse o agravamento da desnutrición e o conflito armado que sufriu o país (fundamentalmente o norte) desde xaneiro de 2012. Case medio millón de persoas tiveron que desprazarse, dentro ou fóra do país.