Proxectos
-
Mellorar a dieta dos refuxiados saharauís a través da compra e distribución de ovos e prestación de axuda sanitaria e dotación de material sanitario nos campamentos de refuxiados saharauis
O Sáhara Occidental é un territorio en litixio, declarado non autónomo polo Comité de Descolonización das Nacións Unidas. Dende que a súa potencia colonizadora, España, abandonou a zona en 1975 a rexión atópase, na súa gran maioría, baixo o dominio de Marrocos. En 1976 constitúese a República Árabe Saharauí Democrática (RASD), gobernada polo grupo independentista Frente Polisario, apoiado por Alxeria. Os campamentos levantáronse nunha zona da rexión de Tindouf que o goberno de Alxeria cedeu temporalmente ó Frente Polisario para o asentamento da poboación en 1975.
-
Reforzo do sistema de protección da infancia e dos servizos integrados de prevención e resposta aos problemas de protección da infancia, incluída a violencia de xénero, no distrito de acollida de refuxiados de Yumbe (Uganda).
O obxectivo da intervención é reforzar a contorna de protección das nenas e os nenos nos asentamentos de refuxiados e comunidades de acollida do distrito de Yumbe en Uganda. Para logralo, UNICEF reforzará o sistema de protección do Goberno de Uganda e proporcionará servizos directos de prevención e resposta ás nenas, nenos e adolescentes do distrito de Yumbe, incluído Bidibidi, o maior asentamento de refuxiados do país.
-
Garantir o dereito das mulleres refuxiadas de Palestina a vivir unha vida libre de violencia machista nos campamentos da Franxa de Gaza.
A situación de bloqueo desde hai máis de 15 anos e as seis escaladas de violencia dos últimos anos afectaron á vida económica e social das mulleres palestinas e negativamente ao seu empoderamento, ao logro dos seus dereitos e á súa participación política.
-
Loita contra a violencia sexual e de xénero (VSX) e a discriminación contra as mulleres na República Democrática do Congo-RDC.
O presente proxecto busca garantir o dereito á seguridade, a integridade física, a igualdade entre homes e mulleres, para as mulleres refuxiadas centroafricanas residentes na provincia de Nord–Ubangi na RDC. A fin de lograr este obxectivo espérase reforzar o sistema de atención integral a mulleres refuxiadas centroafricanas vítimas de VSX e de defensa dos seus dereitos nas áreas de execución do proxecto mediante o reforzo de capacidades de estruturas comunitarias de prevención e resposta á VSX, e a asistencia legal e sanitaria para persoas sobreviventes.
-
People & Planet: un destino común
O presente proxecto pretende concienciar as mozas e mozos europeos sobre as graves consecuencias do cambio climático para que se convertan en axentes de transformación na procura dun mundo máis sustentable. A iniciativa, que botou a andar en novembro de 2020 e se prolongará durante catro anos, busca tamén reforzar os gobernos municipais na promoción de políticas públicas a prol do desenvolvemento sostible, tendo en conta a interdependencia local-global.
-
A Axenda 2030, un reto local nun mundo en transformación IV
O proxecto está enmarcado no contexto postelectoral que se abrirá no ano 2024 en Galicia. Ese ano celebraranse eleccións para elixir as e os cargos que configurarán os gobernos locais, e existe a posibilidade de que as novas representantes políticas descoñezan que é a cooperación ao desenvolvemento e que funcións desempeña o Fondo Galego. Nesta liña, a presente proposta ten como obxectivo específico promover a implicación da administración local galega en materia de cooperación ao desenvolvemento como ferramenta para dar cumprimento á Axenda 2030, e fundaméntase en dúas dimensións:
-
Favorecer o dereito ao desenvolvemento socioeconómico da poboación das Illas de Fogo e Maio, en Cabo Verde, a partir da implementación e xestión das Reservas da Biosfera
Cabo Verde é un estado soberano, insular de África, situado no océano Atlántico, máis concretamente fronte ás costas senegalesas. A súa economía está altamente concentrada en dous sectores de actividade: o inmobiliario e o turístico. As súas vulnerabilidades veñen dadas pola escasa diversificación da actividade económica, entre outras casuísticas. En canto á situación ambiental, podemos encontrar varios Espazos Naturais Protexidos, baixo distintas figuras nas dúas illas obxecto de intervención do presente proxecto: as illas de Fogo e Maio.
-
Atención sanitaria móbil nos territorios desocupados de Ucraína
No contexto da invasión rusa a Ucraína, o presente proxecto busca proporcionar á poboación dos territorios ucraínos inicialmente invadidos por Rusia e posteriormente desocupados -así como a outros núcleos illados e escasamente poboados-, un servizo de recoñecemento médico primario de alta calidade. Trátase de crear un ciclo completo de prestación de servizos de exame médico para pacientes nos territorios desocupados con infraestruturas médicas danadas pola guerra.
-
Garantindo o dereito á educación, en especial das nenas, na Franxa de Gaza.
Este proxecto é unha continuación das accións que ven realizando UNRWA en Gaza no ámbito da educación con apoio da Xunta de Galicia desde o ano 2021. Neste caso apóiase a escola Jeddah Elementary School, en Rafah. UNRWA pretende garantir o dereito á educación dos menores co seu programa de Educación en Emerxencias (EiE), coidando e protexendo as escolas mediante un apoio que se mostrou indispensable para que sexan lugares seguros e beneficiosos para todos os nenos, e especialmente as nenas, refuxiadas de Palestina.
-
Acceso a servizos de atención psicosocial para previr e ofrecer unha resposta oportuna ás persoas supervivintes de Violencia Baseada en Xénero (VBX) e de saúde mental en Colombia
O presente proxecto enmárcase dentro do programa global de actuación que ACNUR está a desenvolver en Colombia para garantir a protección internacional da poboación refuxiada e solicitante de asilo venezolana e colombiana retornada ademais das comunidades de acollida colombianas.
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- …
- seguinte ›
- última »