Proxectos

A campaña traballa para lograr os ODM de educación en 2015. Parte de dúas liñas: actuación cos centros educativos e mobilización e incidencia, para facer unha proposta de acción baseada en:
- Achegar a Campaña Mundial pola Educación a cantos máis centros educativos posible.
- Dar apoio aos centros educativos no seu traballo na campaña.
- Facer un seguimento e incidencia nas políticas de cooperación dos axentes de cooperación galegas.

Este proxecto, desenvolvido en Galicia desde 2004, enmárcase dentro da Campaña Cidade-Planeta, centrada tematicamente no curso 2010-2011 na equidade de xénero, que se integra dentro da proposta de “Redes Solidarias Educativas" de Entreculturas.

Este proxecto, na súa segunda edición, pretende facilitar recursos materiais e de difusión para a mellora da participación da sociedade galega no ámbito da solidariedade. Continuarase coa colección de Amarante, que busca que as voces dos países do Sur sexan cada día máis próximas á sociedade galega, sendo as mulleres as protagonistas dos materiais e experiencias contadas, como exemplo dos impactos das causas estruturais da pobreza. Tamén se levará a cabo unha exposición centrada no consumo responsable en colaboración coa Asociación Ecoloxista Verdegaia.

Este proxecto trata de sensibilizar á poboación galega sobre prácticas de consumo que promoven o desenvolvemento como ferramenta para axudar a acadar os obxectivos de desenvolvemento do milenio. Para elo deseñarase, elaborarase e difundirase unha campaña sobre prácticas de comercio xusto, banca e aforro ético e consumo responsable, a partir dunha preparación colectiva dos seus contidos con organizacións especializadas en cada sector, que dean como resultado unha serie de materiais escritos e audiovisuais que sexan a base de distintas accións de sensibilización con poboación galega.