Proxectos
-
Asistencia e protección ás comunidades refuxiadas e de acollida no distrito fronteirizo de Adjumani, Uganda
O presente proxecto busca responder as necesidades humanitarias de persoas refuxiadas, na súa gran maioría desprazadas polo conflito de Sudán do Sur, así como á poboación de acollida no distrito fronteirizo de Adjumani, nun contexto de crise humanitaria. A intervención busca contribuír a garantir o dereito a unha saúde integral das persoas refuxiadas así como das comunidades de acollida en Adjumani, a través da redución da vulnerabilidade física, emocional e psicosocial de 630 persoas refuxiadas e pertencentes ás comunidades de acollida nos asentamentos de Adjumani.
-
Refuxios fronte ao conflito: Construción Segura e Capacitación Comunitaria en Meluco, Mozambique
O proxecto desenvolverase no distrito de Meluco, Cabo Delgado, e ten como obxectivo abordar as necesidades urxentes das comunidades afectadas polo prolongado conflito armado na rexión, que deixou a máis de 700,000 persoas desprazadas internamente e máis de 630.000 que retornaron ás súas comunidades de orixe despois do conflito (perdendo os seus anteriores recursos, vivendas e medios de vida), aumentando a taxa de pobreza drasticamente
-
Mellorar a asistencia multisectorial da poboación para cubrir as necesidades de saúde e protección das persoas en situación de vulnerabilidade en Nangade, Cabo Delgado, Mozambique
O proxecto proposto ten como obxectivo abordar a problemática do acceso limitado a servizos integrais de saúde e protección na poboación de Nangade, Mozambique, afectada polo conflito que ten lugar na provincia de Cabo Delgado. Nos últimos anos, a situación de inestabilidade polo conflito iniciado en 2017 na rexión deteriorou significativamente os sistemas de saúde locais, o que xerou unha urxente necesidade de apoio para garantir o dereito fundamental á saúde da poboación.
-
Fortalecemento do dereito á saúde da poboación refuxiada Palestina máis vulnerable (especialmente mulleres e nenos/as) mediante o apoio a tres Puntos de Saúde en Cisxordania
O presente proxecto busca apoiar o mantemento durante 12 meses de tres puntos de saúde de Beit Our, Bodrus e Ramadeen. Os dous primeiros no gobernorado de Ramallah, nas áreas de Jericho e Xerusalén e o terceiro no gobernorado de Hebron, en Cisxordania (tPo). Estes puntos están situados en zonas rurais e illadas, sen acceso a servizos sanitarios para prestar atención en saúde primaria á poboación refuxiada de Palestina de zonas nas que Israel exerce o control e non permite o movemento da poboación para recibir os servizos de saúde.
-
Promoción de dereitos e garantías de protección a persoas en situación de mobilidade humana con énfase en nenos, nenas, adolescentes e mulleres en Dajabón, República Dominicana
Esta proposta ofrece unha resposta humanitaria á poboación en situación de mobilidade humana na fronteira domínico-haitiana de Dajabón, proporcionando asistencia adaptada ao contexto e ás características específicas de cada grupo. A intervención priorizará aos grupos máis vulnerables, con énfase en nenos, nenas, adolescentes e mulleres, dentro do marco dunha estratexia conxunta de protección integral e restitución de dereitos que SCRD e ACPP lideran desde 2022 nos territorios fronteirizos.
-
Mellora da sustentabilidade da actividade marisqueira no sur de Honduras- Fase 2
Este proxecto forma a Fase 2 dun Programa de Marisqueo, dentro do eixo de Soberanía Alimentaria de ESF Galicia, e do Programa de Pesca e Marisqueo da socia local CODDEFFAGOLF. Deséñase e executarase en alianza coa Dirección Xeral de Pesca e a súa delegación rexional do pácifico e o Centro Universitario Rexional do Litoral Pácifico (CURLP).
-
Mellora da xestión pública da auga nos municipios da Mancomunidade Nasmar, Honduras, Fase 1
O proxecto forma parte do Programa de Auga de Enxeñería Sen Fronteiras Galicia na zona sur de Honduras, froito dun proceso de varios anos, coa Mancomunidade NASMAR. Con este proxecto, as entidades involucradas, pretenden dar un salto cuantitativo da capacidade de mobilización de recursos para sistemas de auga, cualitativo en canto á xestión pública de auga e saneamento e de calidade de auga, avanzar na sustentabilidade de xestores sociais da auga, e unha mellora substancial nas alianzas interinstitucionais.
-
Promovendo o exercicio do dereito a unha vida libre de violencia e ao dereito á alimentación, das mulleres maya mam de Santa Bárbara, Huehuetenango, Guatemala
O presente proxecto busca promover o exercicio dos dereitos sociais das mulleres indíxenas maya mam desde a prevención da violencia de xénero, desenvolvendo prácticas de seguridade alimentaria a partir do enfoque agroecolóxico en comunidades do municipio de Santa Barbara, Huehuetenango, Guatemala
-
Comunidades resilientes a través do enfoque de saúde integral no Municipio de San Marcos de Colón, Departamento de Choluteca, Honduras
O presente proxecto dá continuidade a un proceso iniciado en 2020 e que se levou a cabo nos últimos 4 anos a través de dous proxectos financiados por Cooperación Galega da Xunta de Galicia. Esta proposta trata de dar resposta á falta de recursos sanitarios adecuados e a unhas condicións comunitarias deficientes que impiden o goce dunha vida plena, con especial atención á prevención de riscos e enfermidades que atentan directamente contra o benestar físico e emocional das mulleres.
-
Desenvolvemento de capacidades para a seguridade alimentaria de comunidades indíxenas do municipio de Nahualá (dep. de Sololá, Guatemala), con enfoque de xénero, sostibilidade agroecolóxica e gobernanza
O proxecto busca contribuír a mellorar a Seguridade Alimentaria e Nutricional (SAN) en 5 comunidades de Nahualá (Depto. de Sololá), con enfoque de soberanía e igualdade de xénero. A intervención incide nos factores que limitan o exercicio do dereito á saúde, a alimentación, a participación e a autonomía das mulleres en comunidades de Nahualá, que posúen unha vulnerabilidade alimentaria moi alta.
- « primeira
- ‹ anterior
- …
- 7
- 8
- 9
- 10
- 11
- 12
- 13
- 14
- 15
- …
- seguinte ›
- última »