Proxectos

Debido á magnitude que vai alcanzando a catástrofe en Haití, o día 15 de xaneiro a AECID pon en marcha un novo operativo de axuda no que a Xunta de Galicia, a través da FAHG participa co envío de material médico sanitario (paquete IEHK'06 e un de acción inmediata) por valor de 10.500 €. Este material forma parte dunhas existencias que como fondo de urxencias a FAHG ten en Valencia grazas a un convenio asinado coa ONGD Farmamundi.

Os efectos do terremoto do 12 de xaneiro foron devastadores; atopados o 25 de xaneiro de 2010, 150.000 cadáveres, máis de 250.000 feridos, un millón de rapaces orfos e máis dun millar de persoas sen fogar, e é considerada unha das catástrofes naturais máis graves da historia.
Neste momentos, as necesidades máis urxentes a cubrir para os damnificados son a de comida e medicinas, tamén tendas de campaña e lonas para a construción de albergues, así como tamén a limpeza do terreo, os servizos médicos e os albergues de urxencia.

Os sectores de poboación aos que vai dirixida a axuda deste proxecto (anciáns, enfermos e nais solteiras) viven en condicións precarias en canto a vivenda e a hixiene persoal pola falta de auga na casa e pola falta de recursos para comprar produtos de aseo persoal, así como a falta de recursos para mercar alimentos.

Guatemala conta cun total aproximado de 13 millóns de habitantes, dos cales case o 60 por cento son indíxenas, ten unha economía que se sustenta na agricultura e na agroindustria, pero o 2,6 por cento dos grandes latifundios ocupan o 65 por cento da terra cultivable e o 88 por cento das propiedades engloban tan só o 16 por cento da terra dispoñible.