Proxectos
-
Articulación da produción e o consumo dos produtos agropecuarios locais, mediante o desenvolvemento dunha ruta agroalimentaria gastronómica ao longo da estrada interoceánica sur, entre os distritos de Ccatcca e Ocongate, Cusco – Perú"
Este proxecto é parte da aposta institucional para superar a pobreza e exclusión da poboación rural da provincia de Quispicanchi mediante a diversificación produtiva, a agregación de valor e a articulación ao mercado da produción agropecuaria e agroindustrial rural; concretamente entre os distritos de Ccatcca e Ocongate, articulando a produción e o consumo dos produtos agropecuarios locais, baixo un enfoque de desenvolvemento económico local inclusivo e produción sustentable.
-
Rede Solidaria da Mocidade: cidadanía global, empoderamento e participación para o cambio social dos grupos solidarios no curso 2017-2018
O proxecto pretende dar continuidade ás accións do programa de educación para a solidariedade e a cidadanía global e de participación xuvenil Rede Solidaria da Mocidade (RSM) (Red Solidaria de Jóvenes), que se executa en Galicia desde 2004. Este programa ofrece ás comunidades educativas unha estrutura estable de participación, que facilita procesos de capacitación e empoderamento que, á súa vez, incrementan as competencias de compromiso social e cidadanía global dos mozos e mozas galegas nos seus centros de ensino.
-
“Tajimat Pujut”: Contribuir a mellorar o exercicio do dereito á alimentación en comunidades indíxenas Awajún (Amazonas, Perú) mediante a promoción da soberanía alimentaria nas familias, a consolidación das súas capacidades para diversificar as súas parcelas produtivas e a comercialización dos seus produtos en mercados locais
A presente proposta busca garantir as condicións de soberanía alimentaria, a mellora da nutrición e a eliminación da fame nas familias Awajún de 8 comunidades da conca do río Nieva (Amazonas, Perú), mediante a promoción da agricultura sustentable. Para iso, como estratexia, expón consolidar as capacidades de 96 familias indíxenas para diversificar as súas unidades produtivas e a comercialización dos seus produtos en mercados locais.
-
Fortalecemento dos mecanismos locais de prevención de violencia social e de xénero entre a poboación infantil e xuvenil do municipio de Tonacatepeque (San Salvador)
A proposta enmárcase na Estratexia de Prevención de Violencia que Cruz Vermella Española (CRE) e Cruz Vermella Salvadoreña (CRS) executan na área Metropolitana de San Salvador. En concreto, exponse como unha acción de continuidade da experiencia no Municipio de Tonacatepeque , partindo de prioridades identificadas polos beneficiarios/as e incorporando accións innovadoras de prevención de violencia cara a mulleres novas en escolas, transformación pedagóxica de docentes e fortalecemento da comunidade educativa e dos mecanismos municipais de protección.
-
Fortalecemento do desenvolvemento económico das cooperativas que participan en 4 cadeas de valor incluíntes, aplicando enfoques de sustentabilidade, adaptación ao cambio climático e igualdade de xénero, da produción agropecuaria en zonas vulnerables ante a seca, de Las Segovias
O proxecto basease en experiencias previas que INPRHU – Somoto (socio local) e Amigos da Terra desenvolveron tanto no sector de intervención como no territorio en cuestión.
-
Campaña mundial pola educación 2018 en Galicia
Con este proxecto, o equipo territorial da Campaña Mundial pola Educación (CME) en Galicia formado por Axuda en Acción, Entreculturas, Educo e Taller de Solidaridad, queren afondar e levar a cabo este proxecto no próximo curso escolar 2017 – 2018 co Obxectivo de “Promover na comunidade educativa e na sociedade civil galega respostas sociais, educativas e políticas a favor do dereito á educación e dos ODS en educación no novo Marco de Acción pola Educación 2030”.
-
Mellora da atención integral e a pertinencia cultural en servizos de saúde sexual e reprodutiva e saúde materna, para mulleres e adolescentes indíxenas nos municipios de Nebaj , Chajul e Cotzal na área Ixil, Rexión Norte do Quiché, Guatemala
O mantemento de elevadas taxas de mortalidade materna e a constatación de que o 90% das mortes pódense previr remiten a unha situación de ampla tolerancia cara ás vulneracións dos DD.HH. de mulleres e nenas. No marco dun sistema profundamente hetero-normativo (en cuestións de etnia, clase, xénero e prácticas sexuais) e asimétrico, son as mulleres, pobres e indíxenas quen acumula maior exclusión.
-
Mellora das capacidades e ferramentas xeradoras de conciencia crítica no ensino infantil, de primaria, de secundaria e universitario galego
Este proxecto constitúe unha aposta integral pola formación en educación e comunicación para o desenvolvemento na comunidade galega; que abarca desde a educación infantil ata a universitaria e que se presenta como continuación e complemento do proxecto EpD-CpD, financiado pola DXREeUE nas súas convocatorias de educación para o desenvolvemento entre os anos 2011 e 2016. As accións inciden na sensibilización sobre a problemática dos países empobrecidos e da situación dos colectivos máis desfavorecidos deses países, especialmente das mulleres.
-
Proxecto de difusión do dereito ao hábitat, con especial incidencia en modelos de gobernanza participativos, a través da sensibilización e a educación non formal de axentes multiplicadores clave e alumnado de secundaria na cidade da Coruña
O “Proxecto de difusión do dereito ao hábitat, con especial incidencia en modelos de gobernanza participativos, a través da sensibilización e a educación non formal de axentes multiplicadores clave e alumnado de secundaria na cidade da Coruña” (en diante DH 2017-18) xorde coma proceso natural da acción de ASF-Galicia no cal se agroman aprendizaxes, dando por unha banda continuidade a labor de vindicación do hábitat dende o enfoque de dereitos.
-
Fomento da conciencia social, capacidade de comunicación crítica e interrelación entre o global e o local do colectivo adolescente dos municipios de Ames, Bueu, Viana do Bolo, Silleda e A Guarda
O proxecto EpD_LAB III é un proxecto multimedia de comunicación que se desenvolverá en 5 centros educativos de diferentes puntos xeográficos de Galicia (Ames, Bueu, Viana do Bolo, Silleda, A Guarda) e unha asociación de mozas e mozos de Latinoamérica (Usulután, El Salvador). O obxectivo principal de EpD_LAB é a formación no uso das TIC como medio de comunicación para a sensibilización social e a formación en valores, centrada na comunicación para o desenvolvemento e a cooperación.
- « primeira
- ‹ anterior
- …
- 55
- 56
- 57
- 58
- 59
- 60
- 61
- 62
- 63
- …
- seguinte ›
- última »