Proxectos

O proxecto parte da preocupación fundamental de contribuír á redución da pobreza rural e a mellora das condicións de saúde da poboación rural de 70 comunidades das rexións de Oio, Cacheu e Bafata integradas na federación campesiña KAFO, beneficiando directamente a unha poboación estimada de 1.400 persoas (50% mulleres). As accións propostas articúlanse en torno a dúas compoñentes principais: soberanía alimentaria e saúde comunitaria tradicional.

En Ecos do Sur levan dende o ano 1991 desenvolvendo estratexias comúns en migracións e desenvolvemento co obxecto de fomentar a participación do colectivo migrante en tecidos asociativos, acompañado de procesos de articulación transnacional das súas organizacións e redes, prestando especial atención ao papel da muller migrante como promotora dun modelo de desenvolvemento igualitario. Así, o proxecto Entre-nós busca acadar unha maior implicación das asociacións de inmigrantes no desenvolvemento das súas localidades de orixe e acollida.

O presente proxecto pretende fortalecer e mellorar o nivel formativo e asistencial do persoal de enfermería do Distrito II de Managua, en especial do C/S Policlínico Francisco Morazán no campo da promoción da saúde na nenez con énfase no campo educativo nutricional a través dun proceso de capacitación completo por parte de persoal experto expatriado e local.

Para comprender o fenómeno do desprazamento das persoas refuxiadas a través das fronteiras é preciso ter en conta a situación política dos países da rexión de África do Leste. Dende o inicio da década dos noventa, Kenya recibiu e acolleu a persoas refuxiadas procedentes dos países veciños, así coma provintes da rexión dos Grandes Lagos. Os principais países emisores teñen sido: Somalia, a República Democrática do Congo, Sudán, Etiopía, Rwanda, Burundi, Uganda e Eritrea.