Proxectos
Neste apartado teñen a súa disposición a información dos proxectos financiados pola Cooperación Galega.
Buscar proxectos en
-
Convenio de colaboración con UNICEF COMITÉ ESPAÑOL para actuacións de acción humanitaria e de emerxencia - 2016
O presente acordo ten a finalidade de establecer o marco de colaboración entre a Vicepresidencia e Consellería de Presidencia, Administracións Públicas e Xustiza da Xunta de Galicia e UNICEF Comité Español para a execución de actuacións e proxectos en materia de acción humanitaria e de emerxencias en países con poboacións afectadas por catástrofes de orixe natural ou humano co fin de paliar o sufrimento das poboacións afectadas e de calquera outras accións que en beneficio destas poboacións se poidan impulsar.
-
Fortalecemento das capacidades locais e da participación comunitaria para mellorar o acceso ao dereito de auga potable e saneamento a través da xestión integrada do recurso hídrico, nos municipios da Mancomunidade NASMAR, Honduras. Fase III.
Nesta fase preténdese dar continuidade ás accións xa iniciadas, e solucionar debilidades identificadas no transcurso do programa, como son a sensibilización e capacitación en temas de calidade de auga, a necesidade de formación para o deseño de sistemas de abastecemento de auga e a perforación e construción de pozos para o abastecemento comunitario de auga, así como a introdución de ferramentas innovadoras de cartografía participativa.
-
Oportunidades de formación vocacional e formación técnica con enfoque de xénero para poboación de barrios e comunidades marxinais en Nicaragua.
O obxectivo desta proposta consiste en garantir que 3.073 adolescentes e xóvenes (1.629 mulleres e 1.444 homes) de 12 centros educativos de Fe e Alegría en barrios e comunidades marxinais de 7 municipios do occidente e a capital de Nicaragua, accedan a unha orientación técnica vocacional (OTV) e unha formación técnica de calidade, baseada en criterios de equidade de xénero, que lles permita adquirir as ferramentas básicas que faciliten o seu paso á formación posterior e/ou ao mercado laboral.
-
Programa de fomento e formación para o emprendemento sostible coa xuventude no medio rural agrario da conca do Chira (Piura - Perú).
O obxecto do presente proxecto é o de complementar as actuacións que a asociación Chira está a desenvolver ao amparo do proxecto “Formación técnica para emprendementos agrarios sustentables na cunca do Chira (Piura-Perú)”, programa de cooperación financiado pola embaixada de Finlandia, que se está desenvolvendo dende o ano 2014 e que pretende, de maneira xeral implementar módulos produtivos en 3 centros de formación técnica da cunca do Chira, situados nas zonas de Ayabaca, Montero e Mallares co obxecto de mellorar a formación técnica da xuventude de zonas rurais e aumentar as súas capacidad
-
Convenio de colaboración entre a Vicepresidencia e Consellería de Presidencia, Administracións Públicas e Xustiza e as tres Universidades de A Coruña, Santiago de Compostela e Vigo para o proxecto de fortalecemento da Rede Galega de Cooperación Universita
O proxecto ten por obxecto establecer as condicións polas que se rexerá a colaboración entre a Vicepresidencia e Consellería de Presidencia, Administracións Públicas e Xustiza e as tres universidades galegas no proxecto de fortalecemento da Rede Galega de Cooperación Universitaria para o Desenvolvemento.
-
Acceso a auga potable para os/as refuxiados/as sudaneses/as do leste de Chad
O propósito deste proxecto é contribuír ao proceso de protección internacional de refuxiados/das sudanesas/es no leste de Chad asegurando o acceso aos servizos básicos máis esenciais, neste caso á auga potable nos campos de refuxiadas/vos e nas comunidades de acollida lindeiras.
-
Campaña mundial pola educación 2017 en Galicia
Descrición: Este proxecto quere dar continuidade ao traballo de sensibilización, formación e incidencia ante a situación da educación no mundo que a Campaña Mundial pola Educación (CME) en Galicia leva traballando durante máis de 10 anos no eido da comunidade educativa e dos actores de cooperación.
-
Mellora das condicións técnicas e materiais para o aproveitamento responsable dos recursos ecoturístico, acuícolas, pesqueiros e medioambientais dos municipios de San Luís La Herradura e Tecoluca. Fase IV. El Salvador.
A presente acción expón unha fase IV, coa que se pretende dar continuidade aos procesos en desenvolvemento, así como apuntalar o impacto de aspectos relevantes de anteriores etapas, e que fagan posible xerar oportunidades ás familias beneficiarias e reforzar aos colectivos participantes. Desta forma, o proxecto pretende a mellora das condicións técnicas e materiais para o aproveitamento responsable dos recursos eco turístico, acuícolas, pesqueiros e ambientais dos Municipios de San Luís La Herradura e Tecoluca no Salvador.
-
Mellora das capacidades educativas, organizativas e emprendedoras de 24 comunidades rurais dos municipios de Chirilagua e Jucuapa. El Salvador.
O obxectivo global do proxecto que se presenta é contribuír ao fortalecemento dos procesos educativos, organizativos e produtivos, nos Departamentos de San Miguel e Usulután. Para conseguir isto, a intervención ten varios compoñentes para executar: Alfabetización; Formación e capacitación en Xénero, Masculinidad e Dereitos Humanos; Talleres ou Cursos Vocacionais;
-
Prevención da violencia de xénero e mellora da saúde sexual e reprodutiva das mulleres en 10 comunidades do municipio de El Viejo, Chinandega. Nicaragua. Fase II.
O proxecto “Prevención de Violencia, mellora da saúde física e emocional e empoderamento das mulleres en 10 comunidades do Vello (Chinandega). FASE 2” ten como obxectivo xeral contribuír ao desenvolvemento de relacións de igualdade libres de violencia de xénero entre homes e mulleres, así como á mellora da saúde sexual e reprodutiva e o exercicio dos dereitos sexuais e reprodutivos das mulleres do municipio de El Viejo (Nicaragua).