Proxectos

  • Plan de resposta diferenciada e deseño da metodoloxía de construción de vivendas reasentamento ou retorno nas crises humanitarias de Cabo Delgado, Mozambique.

    O proxecto pretende deseñar un plan de resposta diferenciado e innovador e unha metodoloxía de construción de vivendas para o reasentamento ou retorno da poboación desprazada polas crises humanitarias en Cabo Delgado. Para conseguilo, estableceuse desde un principio unha colaboración con Ayuda en Acción, que traballa en Mozambique desde 1997. Despois de analizar as necesidades dos distintos grupos de poboación (desprazados internos, familias acolledoras, familias en situación de vulnerabilidade, persoas maiores, persoas con diversidade funcional...

  • Patrimonio xeomorfolóxico dos portos de montaña nos itinerarios culturais: os casos dos portos internacionais Pehuenche e Planchón-Vergara nos Andes centrais (Mendoza, Arxentina) e os Camiños de Santiago na serra oriental de Galicia. Aplicación metodolóxica comparativa para a súa conversión como ferramenta de desenvolvemento endóxeno en poboacións de montaña.

    Desde finais do século XIX non deixan de cobrar protagonismo as voces a favor da conservación da natureza, cando a sociedade toma conciencia de que o modelo de desenvolvemento provoca grandes alteracións, influíndo de xeito importante na saúde humana e no desenvolvemento económico dos distintos territorios.

  • Aprendizaxe-servizo e Cooperación para o Desenvolvemento. Formando para a Cidadanía Global.

    Promover a metodoloxía Aprendizaxe-Servizo (ApS) na ensinanza da xeografía da África Subsahariana, en liña coas prioridades do V Plan Director da cooperación galega, a través da súa inclusión nos plans formativos pertencentes á Universidade Pública de Cabo Verde. A finalidade é artellar propostas formativas que, mediante a ApS, poidan servir como núcleos  dinamizadores da transformación social e do fortalecemento da convivencia na comunidade de referencia.

  • Campaña Mundial pola Educación 2024.

    A sensibilización, concienciación, formación, mobilización social e incidencia política son os eidos principais nos que se enmarcan as actividades do proxecto Campaña Mundial pola Educación (CME) en Galicia. A CME ten como principal obxectivo reivindicar o cumprimento do dereito á educación así como velar que os Estados leven a cabo os compromisos adquiridos polos seus gobernos e pola comunidade internacional en materia educativa, e promover así a consecución do ODS 4.

  • A protección da infancia dende a mirada da Axenda 2030. Da sensibilización ao activismo.

    Con esta iniciativa buscase contribuír ao desenvolvemento dunha cidadanía global, crítica e activa na defensa do dereito a protección da infancia e bo trato fronte a situacións de violencia (ODS 16.2) para o que se marca como obxectivo específico fortalecer as capacidades e actitudes de nenas, nenos e adolescentes e axentes chave para a defensa do seu dereito á protección a través da educación para a cidadanía e a transformación social.

    Esta proposta constitúe unha segunda fase  e propón un  traballo en catro liñas principais:

  • Enredadas no Cambio: Fase III

    “Enredadas no cambio” nace co obxectivo de transformar o imaxinario colectivo en torno ao emprendemento feminino para cambiar os patróns socioculturais no marco dos Obxectivos de Desenvolvemento Sostible 5,8,10 e 12, contribuíndo á construción dunha cidadanía global igualitaria.

  • Fame Cero: sensibilización cidadá, e formación, participación e mobilización educativa cunha visión integradora dos ODS Fase II

    Este proxecto desenvolve a Fase 2 dunha intervención trienal (2022-2025) en Educación para o Desenvolvemento e a Cidadanía Global promovida por Mans Unidas en Galicia nas dimensións de sensibilización, formación e educación, e mobilización social polo dereito humano á alimentación no marco do ODS 2 “Fame cero”. O proxecto afrontará a actual situación de vulneración do dereito á alimentación que fundamenta o ODS 2 e promoverá  entre a cidadanía e a comunidade educativa galega valores, hábitos, actitudes e estilos de vida máis solidarios e sustentables.

  • III Premio Galego de Educación para o Desenvolvemento e a Cidadanía Global

    O proxecto enmárcase na dimensión de sensibilización no ámbito da cooperación para o desenvolvemento e ten por obxectivo recoñecer o labor do profesorado galego que desenvolve iniciativas de Educación para a Cidadanía Global nas aulas para contribuír á redución das dificultades manifestadas por eles/as para incardinar a cidadanía global na súa función docente en concordancia coa Axenda 2030 e a nova lei de educación, Lei Orgánica 3/2020 – LOMLOE (OX). O Premio Galego pretende acadar os seguintes cambios ou impactos directos:

  • Tecnoloxía ao Servizo do Ben Común, da Cidadanía Global e da inclusión nas escolas Téc Fase2.

    Este proxecto promove a creación dunha cidadanía crítica, facendo especial énfase no uso da tecnoloxía para o desenvolvemento humano e o ben común. O concepto parte de cuestionar o uso histórico da tecnoloxía e apostar por unha tecnoloxía participativa e non excluínte que permita lograr a equidade e a xustiza social cun enfoque de ben común. O eixo de traballo do proxecto é a promoción da tecnoloxía para o ben común na docencia, investigación e activismo da comunidade educativa universitaria galega de base tecnolóxica.

  • O GLOBO. Observatorio, escola e espazo de participación.

    O presente proxecto da continuidade a unha importante aposta institucional iniciada no ano 2017 para a promoción da participación social, esforzo que se concreta na ferramenta coñecida coma O Globo. A proposta centra os seus esforzos na promoción e proxección desta ferramenta para consolidala como referente galego na promoción dunha Cidadanía Global que atopa na participación social (con perspectiva glocal) a súa máxima expresión. O Globo xira en torno ás denominadas “microexperiencias de transformación social”.

A Cooperación Galega

Ver mais

Planificación e rendición de contas

Proxectos e avaliacións

Instrumentos de financiamento

Rexistro de axentes