Proxectos

En 12 anos de vida o Fogacosol pasou de 10 concellos iniciais aos 102 socios actuais, que representan  máis dun 70% da poboación galega. Pese a todo, a actual crise económica supón un desafío adicional para as entidades locais, con moitas competencias e poucos recursos, que poden encontrar maiores dificultades para explicar ás súas cidadanías a necesidade de continuar a traballar na cooperación para o desenvolvemento dos países que máis o precisan.

A sinatura dun acordo de colaboración entre a FAHG e Farmacéuticos Mundi ten por obxecto dar resposta inmediata e atender as necesidades máis urxentes das poboacións afectadas, con especial énfase nos colectivos máis vulnerables e paliar o sufrimento das poboación afectadas polas crises de longa duración e desequilibrios económicos crónicos e estruturais.

Entre os días 24 de agosto e 14 de setembro o paso de tres furacáns polo Caribe deixou máis de 700 persoas falecidas entre Cuba, Haití, República Dominicana, Xamaica e os Estados Unidos (Xeorxia, Luisiana e Florida). O paso de tres furacáns consecutivos deixa uns gastos valorados en 50.000 millóns de dólares. Tras a petición de axuda internacional dos gobernos dos países afectados, a AECID envía 4 avións con axuda humanitaria para atender as vítimas desta catástrofe.

O 27 de decembro de 2008 as Forzas de Defensa Israelís lanzaron unha intensa operación militar na franxa de Gaza coñecida como Plomo Fundido. O Ministerio de Saúde palestino afirmaba que arredor de 1.300 palestinos morreron e que miles de persoas resultaron feridas. Ante a gravidade da crise a AECID coordina con diferentes ONGD e coa cooperación descentralizada accións de axuda humanitaria para a poboación afectada polo conflito bélico e realiza o envío de ata 4 avións ao terreo con axuda humanitaria.