Proxectos

As características xeográficas de Haití e o impacto da actividade humana no seu entorno teñen anulado case na súa totalidade a produtividade do país, formado nas súas tres cuartas partes por terreo montañoso, mentres que as chairas están formadas por terras deforestadas, completamente estériles hoxe en día. Neste contexto, ao redor do 80% da poboación se atopa sumida na pobreza, convertindo a este país no máis pobre de toda América Latina. Así mesmo, a porcentaxe de pobreza extrema é do 54%, o que implica que 4.450.000 habitantes viven con menos dun dólar ao día.

Médicos do Mundo leva dous anos dando resposta á situación de urxencia que vive Haití en materia de saúde na rexión de Petit-Goâve do Departamento Oeste. Lexitimada na confianza xerada entre a poboación e institucións sanitarias locais, a organización quere superar a resposta de urxencia para dotar á intervención dun carácter máis estable e planificado, acorde ao enfoque de Vinculación entre Axuda-rehabilitación e Desenvolvemento (VARD).

O proxecto pretende desenvolver accións integrais que contribúan a mellorar a salubridade e, xa que logo, a calidade de vida da poboación das comunidades guaraníes dos municipios de Boyuibe e Gutiérrez. Isto conseguirase garantindo a subministración permanente de auga potable para o consumo, e a prevención de enfermidades relacionadas con cadros diarreicos agudos e infeccións asociadas.

Patria Nueva é un val distribuído en 90 terreos que se atopa nun proceso inicial de potenciamento dos seus recursos produtivos. A través das xestións da comunidade e da OMICSE logrouse construír o sistema de rego. Coa mellora das condicións básicas e do acceso á auga de rego quérese incrementar a produción, reducir a terra non cultivada, incorporar outros cultivos e xeneralizar as cortinas rompe ventos en cada un dos terreos, xerando mellores condicións para a crianza de animais, dende un enfoque de soberanía alimentaria, produción agroecolóxica e equidade de xénero.